عندنا اليوم صينية دجاج مع الخضاار بالفرن وجبه متكامله ونقدر نسويها على الغدا مع ارز ابيض
يمكن بعض الاخوات منزلينها في المنتدى من قبل لكن لكل واحده طريقتها الخاصه وانتم تشوفو
الاسهل وتختارو الطريقه اللي تعجبكم
نبداء بسم الله
المقادير والصور مع بعض
نقطع دجاجه كامله الى 10قطع تقريبآ وننظفها ونتبلها بالملح والبهارات المشكله والفلفل الاسود
نحضرالخضار ونقطعها ونغسلها ونتبلها بالملح والبهاارات انا استخدمت جزر وبطاطس وممكن نضيف كوسا وفلفل بارد اذا توفر
نقطع بصله كبيره حلقات ونضعها في الصينيه ونضيف قليل زيت ونقلبها على النار حتى يذبل البصل ومو شرط يتحمر
ونضيف قطع الدجاجه ونقلبها
نضيف حبتين طماطم مقطع صغير ونقلب
نضيف ملعقتين معجون طمااطم ونقلب ع الخفيف
نضيف الخضاار ونوزعهم بالصينيه
وبعد ما يتسبك الدجاج مع الخضار نطفي النار ونغطي الصينيه بالقصدير ونكون مشعلين نار الفرن من قبل بعشر دقائق
وندخلها الفرن لمدة ساعه من تحت فقط
يتبع
نطلع الصينيه من الفرن ونشيل القصدير ونطفي نار الفرن من تحت ونشعل الفرن من فوق
وندخل الصينيه تحته لحد مايتحمر الدجاج
وهذي شكلها بعد ماتحمرت واصبحت جاهزه
وهذي هي على السفره
وهنا مسويتها في يوم ثاني
لاحظتو كنت مضيفه فلفل بارد
ونقدر نتفنن بالتقديم نقطع الخبز اربع قطع ونفرش بها الصحن ونضيف الدجاج والخضار عليها
وهنا مصورتها بالجوال من قريب
وش رايكم
عليكم بالعافيه