وسبحان الله شفت هالمنتدى وقعدت اطل عليكم من بعيد وكل يوم اقول بسجل ولا اسجل لين سجلت والحمدلله
ربي يجزاكم الجنه بصراحه علمتوني اشياء كثيرهـ،
نبدا بسم الله
قبل بيوم او قبل باربع ساعات تكوني مجهزه دجاج فخوذ او كامله على حسب ماتحبي وتبهرينها زي ماتحبي
انا حطيت
ملح - فلفل - بهارات دجاج - فلفل احمر حار بودره واذا تحبي تضيفي كركم يكون افضل بس مكان عندي احط
الحين في صينية بايركس قطعي
بصل ابيض - فلفل رومي الوان بس مكان عندي غير اخضر - طماط وحاولي تكثرين طماط عشان المويه الي تنزل منه راح تستفيدي منها بعدين .. وتبليهم بملح وفلفل اسود وعصرة ليمونه .
الطماط غالي هع والي عندي حطيته :35:
الحين صفي الدجاج فوق هالخلطه ودخليها الفرن وشبي النار فوق وتحت وحاولي بين فتره وفتره تقلبي الدجاج على الوجه الثاني اذا لاحظي احمرار الدجاج شوي
والنار الي تحت قصري عليها ع اخر شي
بهذ الاثناء قشري بطاطس زي ماتحبي شرايح دائره او طويله واقليه ..
هنا الصينيه استوت
الحين شيلي الدجاج من الصينيه وحطي البطاطس على الخلطه وقلبي البطاطس فيها
الحين ارجعي حطي فوق البطاطس الدجاج وارجعي دخليها الفرن وهو مطفي لين وقت العشاء عشان البطاطس ياخذ طعم المرق الي نزل من الدجاج ولايصير طعمه كانه بطاطس مقلي بس
تتاكل مع خبز وسلطه او تبوله ويمييي
ملاحظه : ممكن تشوفون نفس الموضوع بمنتدى ثاني بس هذي انا ونفس نكي بعد لاتقولون ناقلته :mad:
بس للأسف ماليقت تشجيع منهم :44:
الي تبي تنقل حلال عليها تنقل بس تدعي لي يحفظ لي زوجي وولدي