هذا الطبق اول مره اعمله بس صراحه النتيجه فوق ما كنت اتوقع .... مذهله
الدجاج
استخدمت دجاجه وزن 800 جرام قطعتها لاربع اجزاء مع الجلد...
غسلتها ونقعتها بماء وشوي خل ابيض تقريبا 10 دقائق وبعدها حطيتها في مصفاة عشان اتخلص من الماء
تشكيلة الخضار
لك حرية اختيار انواع الخضار
وهاذي التشكيلة الي استخدمتها
1 بصل كبيره
2 بطاطا متوسطه
1 جزر
1 كوسه ( ما موجود في البدايه بعدين ضفته )
1 فلفل رومي كبير
6 فصوص ثوم
قطعته الى مكعبات وحلقات اما بالنسبه للثوم فقطعته من 2 الى 4 اجزاء حسب الحجم
والصور توضح
وبعدها حطيت الخضره مع بعض
تشكيلة البهارات
وهنا بعد ممكن تغيري في التشكيله
بس المجموعه الي عملتها طلع معها الطبق طعمه خطييير
ملعقه صغيره من كل نوع من هاذي الانواع
كمون
فلفل اسود
كركم
فلفل مجروش
بابريكا
اوريجانو
ريحان مجفف
وملح
وخلطتها مع بعض
واحتاج تقريبا اكثر من ربع كوب زيت زيتون
ارجع للدجاج
حطيت القطع في صينية الفرن وحطيت عليها شوي من زيت الزيتون وبعدها حطيت عليه من البهارات ... بس يكون البهار في كل قطعه الدجاج حتى تحت الجلد
بعدها بقيه البهارات مع زيت الزيتون حطيتها على الخضار وخلطتها
واضفت الخضار على الدجاج
ودخلتها الفرن مدة ساعه تقريبا
وهاذي النتيجه النهائيه ( ضفت عليها بقدونس )
قدمته مع خبز وسلطه
ملاحظات
الطبق كان لذيذ كثير بس في ملاحظتين قالهن زوجي
اول ملاحظه ان الفلفل كثير وبالفعل كان زياده شوي بس انا احب الاكل السبايسي
ثاني ملاحظه .. انا ما حطيت ماء ولا غطيته بالالومنيوم وهو رأيه لو عملت حاجه من الاثنين
بس انا كنت معتمده ع السوائل الي تنزل من الدجاج والخضار
وما حطيت الومنيوم لاني ما كنت اريد تنطبخ بالبخار وانما تستوي بحرارة الفرن
وبالنهاية دعواتكم