هذي الصينية لذيذة وتهبل كل من ذاقها أعجبته وأخذ طريقتها
بصراحة حلوة كتغيير عن طريقة الرز المعتادة وغير كذا طعمها جداً لذيذ ومميز ..
المهم ما أطول عليكم
المقادير ..
4 أكواب رز " اللي يجي مع الرز"
دجاج مفروم
بصل ،ثوم ، فلفل رومي ،جزر مبشور
ملح ، فلفل ، بهارات
مكعبين ماجي
علبة قشطة
علبة جبن مثلث "8حبات "
الطريقة ..
احمسي الدجاج بالطريقة المعتادة البصل والثوم ثم الدجاج والبهارات ومكعب ماجي والفلفل بعدين حطي عليه الجزر والفلفل الرومي ..
طبعا الرز مغسول اغلي ماء مع شوي زيت ومكعب ماجي واضبطي الملح بعدين حطي الرز وخليه ينسلق بس يكون فيه شي بسيط مويه عشان لما تحطيه بالفرن يتماسك
اخلطي الجبن والقشطة بالخلاط بعدين حطي نصف كمية الرز بالصينة البايركس الكبيرة وبعدين حطي الدجاج عليه ثم النصف الباقي من الرز وبعدين صبي خليط القشطة على الوجه وسويه بالملعقه
دخلي الصينه الفرن من تحت 10 دقايق ثم من فوق لحد ماتتحمر ..
وهذي صورتها بعد ماطلعتها من الفرن
وهذا شكل الطبقات بالصينية
وهنا بالصحن مع السلطة :23:
وبالعافيه على قلوبكم ..
وش رايكم ؟؟
أكيد أعجبتكم <<واااثقه :dry:
إذا أعجبتكم لاتنسوني من دعواتكم الحلوة
وشكراً ..