السلام عليكم
امس سويت عشانا صينية سبرنق رول بالخضار وصينية البطاطا المقلية وحبيت احط لكم الطريقة والصور
اول شي صينية السبرنق رول روووعه
المقادير
كيس سبرنقرول
3 اكواب ملفوف مقطع صغار
كوبين جزر مبشور
واحد فلفل رومي مقطع صغار
3 فصوص ثوم
بهارات على ذوقك كمون وفلفل اسود
وللوجة علبة قشطة وملعقتين جبن سائل و نص فنجان شاي موية
الطريقة
نبداء نحط الثوم ونحمرة في ملعقتين زيت
نضيف الجزر الين يذبل ثم نضيف الملفوف ونغطي شوي الي ان يذبل
ثم نضيف الفلفل الرومي وهذا اختياري اذا تبون تلغونه عادي
نتبل الحشوة بالبهارات والملح ونغطيها الين تنشف تقريبا 7 دقائق
على نار هادية
الحين نفرد الرول زي ماهو مانقطعه ونحط في النص من فوق ملعقة كبيرة من الحشوة
ونلفة زين ونطوي الاطراف عشان ماتطلع الحشوة ثم نرصها بالصينية
ونواصل بنفس الطريقة الين نخلص الكمية
وبالاخير نخلط القشط والموية والجبن السائل ونصبة على الرولات
شوي شوي بالستاوي ثم نضع علية شرائح بصل رقيقة وفلفل رومي
ثم ندخل الصينية الفرن تتحمر على نار هادئة من فوق فقط 10 دقائق
ونراقبها زين لان تتحمر بسرعه
الصينية قبل التحمير
وبعد التحمير
صينية البطاطا المقلية
تكفي 5 اشخاص
كلمة لذيذة قليلة عليها
المقادير
6 حبات بطاطا كبيرة مقطعه مكعبات
فطر ( مشروم معلب )
بصلة كبيرة
ممكن قطع صدور دجاج حسب الرغبة
ممكن تستبدلين الدجاج بالمرتديلا ( احلى)
فلفل رومي نصف حبة
علبة قشطة ملعقين جبن سائل جبنة موزريلا او اي نوع بديل ,,,
فلفل اسود سماق للزينة
4 فصوص ثوم
الطريقة
اول شي نقلي البطاطا
نقطع البصل والثوم شرائح ونحمرها بملعقتين زيت
نضيف المشروم ونخلية يتسبك زين ويتقلقل مع البصل نتبلة بالملح والبهار
ووممكن بهذه الخطوة نضيف قطع صغيرة من صدور الدجاج او المرتديلا ( احيانا اضيف شرائح زيتون)
نتركها تتسبك زين ونضيف الفلفل االرومي او الفلفل الحار حسب الرغبة ..
الان اذا جهز نضيف البطاطا المقلية ونحركها سوى ثم نصبها بصينية
نجهز خليط القشطة والجبن ونصبة على الصينية ثم نرشة بالموزريلا والفلفل الاسود والسماق
ندخلها الفرن تتحمر 10 دقائق من فوق
قبل التحمير
بعد التحمير
طبق التقديم
