:cook: إيه مثل ماقريتوا (سمبوسة بصينية ) ... أسرع و أفضل من القلي...
الطريقة والمقادير...(معليش يا بنات مالي التكنولوجيا:44: ما عرف أنزل صور)
2 كيس عجينة الرقائق الهشة من السنبلة أو الكرامة (مو البف باستري) تجي قطعة وحدة في كيس أسود مكتوب علية عجينة الرقائق الهشة وحجمها تقريبا 20 في 30 وتشبه عجينة البريك ...
طلعي العجينة من الثلاجة وخليها تصير درجة حرارة المطبخ عشان تقدرين تفردينها... بعدين إفردي أول عجينة بحجم الصينية اللي عندك ويفضل بايركس عشان تقدرين تشوفين القاع إذا تحمر وحطيها في صينية مدهونة بمسحة زيت وخلي جوانب العجينة تطلع من حواف الصينية ( باختصار بطني الصينية)...:mad:
جيبي كل أنواع الجبن اللي عندك وابشريه وممكن تستخديمن بقايا الجبن.. بالنسبة لي أنا أحط جبن قشقوان موزريلا حلوم واحط معهم بقدونس مفروم واحطه على العجينة ويكون الجبن طبق سميكة
إفردي العجينة الثانية وسوي غطا للصينية واكبسي على الأطراف عشان تلزق وقطعي الزايد..
جيبي سكين وسوي حزوز في الطبقة العليا فقط ولا تقصين لين تحت بعدين جيبي بيضه وحدة وبيالة حليب سايل وادهني الوجه وصبي الباقي فوق الوجه وحطي سمسم و حبة البركة وخلي الصينية في الثلاجة لين تتشرب الحليب دخليه الفرن لين تحمر من تحت وفوق بعدين حطيها على السفرة كصينية واللي يحب يقطع له... رائعة الشكا والطعم في رمضان وإذا عندك ضيافة عصرية وممكن تستبدلين الجبن باللحمة المفرومة وتصير كأنه بوريك وممكن تحطين دجاج محموس وتضيفين له جبن موزريلا... وممكن تحطين الحشوة اللي تبين أنا جبت لك الفكرة الأساسية وهي عجينة متوفرة بالسوق ويمكن البعض ماينتبه لها وبألف صحة وعافية وأرجو منكم تدعون لي برضا الوالدين ويجعلني لهم بارة...:27:
يعطيك الف عافيه