النهاردة جبتلكم صينية سمك متواضعة من مطبخى
المقادير:
- اى نوع سمك تحبيه (انا هنا استخدمت سمك اسمه سبريم ومعروف عندنا فى مصر بالدنيس)
- تتبيلة السمك ( ملح وكمون وتوم مفروم ناااااااعم وليمون وبهار سمك )
- زيت (استخدمت زيت زيتون وممكن تستخدمى زيت دوار شمس) - عصير ليمون
- لحشو السمك كزبرة خضراء وكرفس مفرومين - بصل وطماطم مقطع مكعبات صغيرة جدا
- للتزيين (حلقات بصل وطماطم وليمون)
الطريقة:
- طبعا السمك بيكون متنضف ومغسول من جوه كويس ومن الافضل لو حجمه كبير تعملى شقوق فيه ونضع قليل من التتبيلة فيها
-نجهز التتبيلة بأننا ندق التوم مع الملح والكمون وبهار السمك وعصير الليمون ولو تحبى قرن فلفل اخضر بيعطى نكهة حلوة جدا
- نتبل السمك من جوه كويس ونضع فى الشقوق وعلى السمكة كلها
- نحشى السمك بمكعبات البصل والطماطم والكزبرة الخضراء والكرفس (لو متوفر)
- نرش قليل من الزيت فى صينية ولو حابة تضيفى خضار بتقطعى طرنشات بطاطس وترصيها فى الصينية وعليها فصين توم مقطعين
-نرص وحدات السمك وعليها حلقات البصل والطماطم
- نمزج عصير ليمونتين مع معلقيتن كبار زيت ونصبهم على السمك ودى الصينية بعد ما جهزتها
- نغطى الصينية بالفويل وندخلها الفرن لمدة ثلث ساعة تقريبا بعد كده نرفع الفويل بيكون شكلها بقى كده
-نسيبها فى الفرن لحد ما السمك يتحمر وده شكلها النهائى
- قدميها مع الارز والسلطة حسب مزاجك وبالهنا والشفا
اى استفسار انا حاضرة ان شاء الله ولا تنسونى من صالح الدعاء
اول مرة اول واحدة ترد
ماشالله
بالعافية عليكم
انا ما قضل الطماطم على السمك اشعر يعطيه زفرة
لو وضعتى حلقات برتقال يكون طيب كتير
بس روعة --يسلمووووووووووووووووووووو