كيفكم اخواتي العزيزيات اشتقتلكم كثير قبل يومين رجعت من السفر ورح اقدملكم صينية سمك بالبطاطا والطحينية سهلة وطيبة كتير بسم الله نبدأ
المقادير :
سمك فيليه
حبتين بطاطا
عصير ليمونة
ملعقة كبيرة ونصف كزبرة خضراء مفرومة
نصف ملعقة صغيرة خل ابيض
فصين ثوم
ملئ فنجان قهوة وربع طحينية
ملح
ماء
الطريقة:
نضع الثوم والكزبرة ورشة ملح وبندقهم(نهرسهم) جيدا ثم نضع عصير الليمونة على الثوم والكزبرة وبنحركهم
ثم نتبل فيه السمك ونتركه جانبا
ثم نقطع البطاطا ونقليها ونضعها على ورق لتنشيف الزيت
ثم نضع الطحينية والخل وملح مع ماء دافئ بالخلاط ونخلطهم ثم نضعهم بطنجرة على النار ونحركهم باستمرار حتى الغليان(ملاحظةاذا فرط معك خليط الطحينية ارجعي اخلطي بالخلاط بيرجع متل ما كان)
ثم نضع السمك بالصينية وبنغطيه بالبطاطا
ثم نضع خليط الطحينية
ثم نضع على الصينية قصدير ونضعها بالفرن حتى الاستواء الافضل تخلي فيها شوية مرقة لانها بعد ما تطلع من الفرن بتنشف شوي وصحتين
بتمنى انها تعجبكم تحياتي الطيبة للكل