صينية شاورما من إعدادي وتصويري

صينية شوارما من إعدادي وتصويري


السلام عليكم ورحمة الله وبركاته

يايبة لكم اليوم صينية شوارما لذذذذذذذذذذذيذة بمعنى الكلمة ... وسهلة وما تحتاج مقادير وايد ..

اتمنى انها تعيبكم .. وسمحولي على رداءة الصور.. لانها صور موبايل..


المقادير والطريقة:

نقلي بصلة متوسطة مفرومة ناعم في قليل من الزيت حتى تحمر



نضيف 3 صدور دجاج مقطعة شرائح رفيعة (انا استخدم صدور الدجاج لانها احلى في الشوارما)



ونتركها على النار حتى يستوي الدجاج (لحوالي 20 – 30 دقيقة تقريبا) مع التقليب كل شوي
وهذا شكل الدياي بعد ما نضج




نسوي الحين الصلصة اللي راح نحطها على الدياي
ومقاديرها هي:
2 ملعقة مايونيز – 2 ملعقة طحينة – ملحة خل ابيض – عصير ليمونتين – رشة ملح وفلفل اسود (في حالة استخدام دجاج اقل نقلل مقادير الصلصة)





نخلط المقادير كلها مع بعض حتى تتجانس وما يكون فيها كتل



الآن نحضر صينية فرن ونضع فيها بطاطس مقطع شرائح رفيعة ومقلي



نضيف عليه الدجاج



نضيف الصلصة البيضاء اللي حضرناها (ما نكثر الكمية بس عالخفيف)



ندخلها الفرن (من فوق بس) حتى تصفر الصلصة (ما نريدها تحمر وايد)




واخيرا نضع الشوارما في صمون مدهون بالمايونيز والكاتشب أو حسب الرغبة



وصحة وعافية


(وأعذروني ماصورت لكم الخطوة الاخيرة لانه اهلي كانوا يوعانين وينتظرون العشا)



وانصحكم تجربونها لان الطريقة سهلة والطعم رووووووووووعة


مع تحياتي
سامرية الليل