صينية طبقات الارز :: يوجد صور ::

بسم الله الرحمن الرحيم

السلام عليكم ورحمه الله وبركاته


صينية طبقات الارز ( اخترعت له اسم :D )

طبق سهل وما يبغى له شي حبيت اشارك معكم

واحطه لكم على طريقتي ..


المقادير والطريقة مع بعض

دجاجة + بصله متوسطة او صغيرة الحجم مقطعة + زيت + هيل وقرفة ومسمار وكمون وفلفل حب ( وباقول لكم ليش ) وملح طبعا + كاستين رز مغسوله ومنقوعة
زعفران مذوب في ماء + بصل محروق في زيت
شوي زيت وفصين ثوم وصلصة طماطم علشان الدجاج

ضعي الزيت في القدر وعندما يحمي حطي البصل المقطع وحركي شوي بعدين حطي البهارات عليها وحركيها شوي بعدين حطي الدجاج فوقها وحركي بعد شوي
واسكبي عليهم ماء وخليها على النار حتى تنضج الدجاجة
يعني سلق عادي للدجاجة

بعدين انشلي الدجاج من المرق وضعيه جانبا ثم صفي مرق الدجاج من البصل
والبهارات ثم حطي الرز في القدر وصبي عليه المرق وخليهم الى ان يستوي الرز

وفي اثناء ما الرز يطبخ روحي للدجاج وقطعيه قطع صغيرة ( بدون عظم طبعا )
وفي صاج حطي شوية الزيت وعليها الثوم وحركيه شوي بعدين حطي الدجاج المنتف
وحطي عليه الصلصة وحركيه شوي وطفي النار عنه

الحين خذي نصف مقدار الرز وحطي عليه الزعفران والبصل المحروق
وقلبيه بحذر حتى يصبح الارز لونه اصفر ثم رصيه في صينيه




بعدين جيبي الدجاج وحطيه فوق الازر




بعدين جيبي الارز الابيض وضعيه فوق الدجاج بدون اي اضافات عليه
وهنا الرز مو طالع ابيض ناصع :( علشان البهارات اللي حطيتها انا مطحونه
فالافضل تكون كل البهارات تكون حب علشان المنظر يعني :)



بعدين رصيهم زين وغطيه بقصدير وحطيه في الفرن وشعلي عليه
من اسفل وخليهم عشر دقايق لا تكثرين عليه


يتبـــــع >>>>