اهلا حبيباتي جبت لكم اليوم طريقة حلوة وسهلة ولا تاخذ وقت سويتها اليوم على العشاء وكانت
جدا رائعة وكلهم حبوها تفضوا معاي نطبقها سوا بالصور :p
اولا شي نجيب صينية او صاج او مقلاة بيض كبيرة كل وحدة وحسب المتواجد عندها ونسخنها
على النار بعدين نضع قطعة زبدة وشوي زيت عشان ما تحترق الزبدة وبعدما تذوب الزبدة تماما
نضيف شرايح بصل + شرايح ثوم+ حلقات كوسا+ نصف علبة فطر معلب مغسول ومصفى
نقلبة كويس لين تندمج المكونات وتصير ذهبية ولنتيجة افضل نقلبها بملعقة خشب.
..بعدما يصير لون المكونات ذهبي وياخذون نكهة الزبدة نضيف لهم لحمة مفرومة مغسولة ومصفاة
نقلب كل المكونات مع بعض بدون ما نغطيها ابدا وبعدما تنشف مويتها نضيف لها البهارات وهي
ماجي +بهارات مشكلة+ ملح+ فلفل اسود+ زنجبيل بودرة+ صويا صوص .
نقلبها مع البهارات 10 دقايق ونطفي النار.
..ثم نضع المكونات بصينة ونغطي سطحها بشرايح بطاطس مقلية ثم نغطيها بخليط الصلصة البيضاء
ونرش عالوجه سماق وندخلها الفرن من تحت ربع ساعة ومن فوق لين تتحمر وهذا شكلها النهائي
..خلطة الصلصة البيضاء :
علبة قشطة+ 4ملاعق جبنة سايلة+ ملعقتين مايونيز+ رشة فلفل اسود
تخلط بشوكة حتى تتجانس المكونات وتذوب كل الجبنة مع القشطة
..هذا شكلها بعد ما قطعتها وسويت معاها زهرة مقلية وصوص طحينة بالليمون والثوم والمايونيز و
الكمون جربوها وعليكم الف صحة وعافية :26:
انتظر ردودكم المعبرة واي استفسار انا جاهزة
..*ملاحظة :ممكن اضافة دجاج بدال اللحم سواء مفروم او صدور مخلية وممكن استخدام اي نوع من
الخضروات .
اللهم صلي وسلم على محمد واله وصحبه