يالا منبلش مع
المقادير
كيلو صدور دجاج مغسول ومقطع قطع صغيرة مربعات
فطر حسب الرغبة مقطع قطع صغيرة
علبة كريمة للطبخ
ملح
بهار اسود
بهار التوم
بصلة مقطعة ناعم
٤ فصوص توم مقطعة
للبطاطا نحتاج
بطاطا حسب الكمية اللي عم تعمليا انا عملت ٦ حبات كبار
ثلاث ارباع كوب جبنة موزريلا
ملعقتان كريمة
ملح
بهار
اولا نبدأ بالبطاطا نقشرها ونسلقها بالوقت اللي عم نسلق فيه البطاطا نبدأ بعمل الدجاج
نقلي البصل بالزيت لحتا يستوي ثم نضيف الدجاج ونقلبه حتا يتغير لونه ثم نضيف الثوم والملح والبهار وبهار الثوم ونقلبه كم دقيقة لحتا يستوي الدجاج وينشف المي عنو ثم نضيف الفطر ونقلبه قليلا مع الدجاج حوالي دقيقتين ثم نضيف علبة الكريما ونص كوب ماء ونتركهم يغلو مع بعض ثم نخفف النار عليهم ونتركهم لمدة عشر دقايق يغلو على نار خفيفة نجي للبطاطا نهرسهم جيدا وهي ساخنة ونضيف الجبنة والكريمة والملح والبهار ونخلط جيدا.
بعد ما نرفع الدجاج عن النار نضعه في صينية الفرن ثم نكور البطاطا الي دوائر وبتقدري تمسحي ايدكي بالمي او الزيت عند تكوير البطاطا حتا ما تلصق علا ايدك ونصف الكرات فوق الدجاج ثم نرش الجبنة فوقها ونضعها بالفرن حتا تذوب الجبنة ومنطلعها ومنقدمها وصحة وهنا
