صينية كرات البطاطس البسيطة...جربوها وادعوا لي....

السلام عليكم بنات وهذي هدية مني لكم وانا عارفة انكم راح تاكلون اصابعكم وراها...

المقادير:( بس على فكرة انا مااعترف بالمقاديراللي بالاعداد بالذات مع الصياني المالحة زي كذا... يعني الكمية تكون نظرية...)

بطاطس مسلوق ومقشر..تقريبا حبتين كبار

مايونيز من ملعقتين الى ثلاث ملاعق+ نشا الذرة

صدور دجاج مقطعة شرائح صغيرة ورفيعة...

بصل مقطع جوانح + ثوم حسب الرغبة+ ملح وفلفل وبهار

حمص + صنوبر محموس

خبز مقطع مربعات ومقلي مثل الفتوش...

صلصة البشاميل السريعة المكونة من: ( زبادي + قشطة+ملح وفلفل اسود+ وجبن سايل حسب الرغبة)

جبن موزاريلا مبشور


الطريقة:

- يهرس البطاطس مع الملح والفلفل الاسود + والمايونيز+النشا يكون كبداية ملعقة كبيرة وبعدين تزيدين حسب الحاجة..لازم يكون بالنهاية عجينة سهلة التكوير ومتماسكة..
- يكور البطاطس وبالثلاجة عشان يتماسك او بالفريزر اذا كنتي مستجلة بس انتبهي لايجمد عليك...
- حمري البصل والثوم مع الدجاج والبهار واذا حبيتي ممكن تزيدين معه جزر مبشور او بقدونس على كيفك عادي..اذا نضج صبيه بصينيه بايركس مناسبة..
- صفي كرات البطاطس بشكل عشوائي فوق الدجاج ..
- ضعي عليه الحمص ..واسكبي فوقه خلطة البشاميل وزينيها بالخبزالمقلي والصنوبر والجبن المبشور..ورشي عليه بقدونس مفروم او نعناع لاضافة النكهة..
- وبالنهاية دخليها بالفرن بشكل سريع و اول ماتصير ساخنة خلاص قدميها بس اهم شي يكون الفرن مجرد تسخين مو طبخ..لانها تنفع تؤكل باردة مثل الفته العادية...

وبالعافية...عاد علموني اذا اعجبتكم...:cook: