السلام عليكم ورحمة الله وبركاته
هذه كنافتي ^_^
نص كيلو كنافه قطعيها بيدك وبعدين اطحنيها بالمطحنه
ثلاث ارباع كاسه حليب بودره
ملعقين دقيق مليانه
150 جرام زبده مذابه
كوب مويا
نص فنجان قهوه سكر
واحد قشطه
شيره ( كاستين مويا و كاسه ونص سكر ورشة هيل )
اول شئ
سوي الشيره من بدري
جيبي صينيه كبيره وافردي نص الكنافه فيها واضغطي عليها بيدك تمام بشكل متساوي
ودخليها الفرن في النص من تحت وفوق الين ماتتحمر معاك
على ماتتحمر الكنافه نسوي الحشوه
اخلطي المويا والحليب والدقيق على النار مع التقليب المستمر وشوي اضيفي السكر
وبعدين قلبي الين ماتثقل معاك مزبوط وبعدين طفي النار وحطي القشطه وقلبيها كويس
بعد ماتطلعين الكنافه من الفرن وللاسف ماصورتها لكم بعد التحمير :*_*:
حطي شوي كنافه على الاطراف بس طبقه خفيفه وصغيره لاننا مانبي الحشوه تجي على الاطراف
وبعدين افردي الحشوه بشويش وبعدين حطي باقي الكنافه واضغطي عليها بيدك على خفيف مره
وبعدين دخليها الفرن من فوق فقط تتحمر
ولما تخرجينها صبي الشيره البارده فوقها بشكل متساوي عشان تغطي كل الكنافه
واتركيها حتى تبردد تمااااااااااااااام
وبعدين قطعيها وقدميها بالعافيه
معلومه
الكنافه زي البسبوسه لما تسوينها لا تحطينها في الثلاجه خليها برى الي وقت التقديم
^_^ وبالعافيه
دعواتكم لموتى المسلمين بالجنه اللهم امين