مشكووووووووووووووورة

يعطيك العافية

ام علاء

الله يسلمج ويعافيج اختي القسم منور بوجودكم وبطلتكم الحلوه :27:
ولا فن ولا شي مجرد شغلات بسيطه وسريعه تنقذج وقت الازمات احسن من صحن الفطاير الجاهز اللي ماله طعم

وتسلمييييييييين على الرد والتشجيع الحلو ياقلبي :26:

=============
المسافرة

الله يسلمج ويعافيج اختي

انتي الحلوه والله وانشالله تستفيدين منهم

ومشكووووووووره على الرد :26: :27:

============
عشبة

الله يعافيج اختي :27:

ومشكوره على الرد :26:

============
وانشالله بكمل معاكم :24:

( الصنف الثالث )


- صمون صغير ( بالكويت تلاقونه عند حلويات المحيسن بس لازم تحجزونه قبلها عشان يجهزونا .. المهم صمون صغير وطري بس مو صمون الجمعيات لانه يابس ومو حلو .. او ممكن صمون المطاعم بس بشرط تقطعونه صغار )

الحشوات
- مسحب دجاج وشوية مايونيز وخيار مخلل وليمون ووشوية جزر مبشور( ممكن الاستغناء عن الجزر )

- بطاط مقلي وباذنجان مقلي ( نمسح الصمونه بشوية مايونيز من الداخل وبعدين نضيف البطاط والباذنجان مع شريحة خيار ) اذا صمونه كبيره نقطعها اجزاء واذا صغيره نلفها في ورق السندويش الابيض او نقطع كل وحده بالنص ونغرز فيها عود اسنان وندخل فيه شريحه خيار مخلل

- ممكن تحطون الحمسه اللي بالوصفه الاولى

- حمسه بطاط مسلوق مع كمون وكركم وفلفل وبصل وماجي وثوم وبقدونس وبيض مسلوق ( نهرسهم ونحشي الصمون ونلفه بالورق او نقصه بالنص ونحط عود اسنان وفيه شريحه خياره عاديه .. وممكن تحشين التوست بهالحشوه لانها راح تمسك عدل وتقطعين التوست مثلثات صغيره.. وممكن نضيف بزاليا معاهم بدال البيض بس مانهرسهم ونخلي البطاط صغير ( بس هذي ماتصلح للتوست )

- ممكن تحطون شرايح حلوم وطماط وخيار ورشه زعتر وشوية زيت وشوية نعناع اخضر وتحطون في عود الاسنان زيتونه خضره اللي بقلبها قطعه فلفل احمر

كيفكم انتو فنتكو بالحشوات بسس اهم شي ان :

-الصمون يكون طري وحلو
- تغطون الصمون على طول في نايلون وابعدوه عن الهوا

بالعافيه :32:

( الصنف الرابع )

المقادير:

- صمون صغير او كبير طري من المخبز ( تقطعين وترمين الاطراف )
- فلفل اخضر مقطع صغير
- طماط مقشر ومفرغ من البذور مقطع صغير نفس كمية الفلفل ( اضيفي الماي المغلي على الطماط وخليه دقيقتين بدون طبخ عشان يسهل تقشيره بالايد )
- زيت زيتون
- حبة ماجي
- فلفل اسود
- رشه بهار
- فص ثوم مهروس
- مايونيز
- جبن موزاريلا مبشور

الطريقه :

- نحمس بصل في الزيت ثم الفلفل الاخضر ثم الثوم ثم الماجي لحد مايتغير لون الفلفل الاخضر شوي ( خلو النار واطيه )
- نضيف البهار والفلفل واخر شي الطماط ونخليه شوي على النار ( مانبي نحمس الطماط وايد عشان ماينهرس ويطلع ماي .. نبي نخليه مستوي نص سواة ) ونخليه على صوب
- نقطع الصمون شرايح بالعرض عشان يصير عندنا دوائر بسمك البيتزا ( لا رفيعه ولا سميكه ) وعلى طول نحطها في كيس نايلون ونسكر عليها عشان ماتصير يابسه
- نحضر صينيه الفرن الكبيره بدون دهن ونصف قطع الصمون بعد دهن كل قطعه بشوية مايونيز
- نضع شوية من الحشوه على وجه كل صمونه ( الافضل معاج وحده تدهن المايونيز وانتي تحطين الحشوه عشان ماييبس الصمون )
- تحطين فوق كل صمونه شوية جبن
- تحطينه بالفرن بس يسيح الجبن بدون لايحترق ( المهم لايطول بالفرن )

بصراحه لذيذه هالاكله وخصوصا مع الشاي ماينشبع منها .. بس المهم تكون الحمسه لذيذه

اهم شي اذا طلعتيها من الفرن تغطينها على طول بغطا نايلون

وترا الطريقه سهله لايغركم كثر الكلام الي فيها

بالعافيه :cook:

طبعا فيه اصناف ثانيه بس انا بقدملكم طريقه التقديم والترتيب

في صينيه كشخه وحلوه تحطين ورق ابيض مخرم اللي ينحط تحت الكيك

وبعدين تصفين الصنف الرابع بالنص مثل دائره
وبعدين تييبين الصنف الاول وتحطينه داير مدار الدائره مثل اشعة الشمس بس خلي فراغ بين كل رول ورول
بالفراغات هذي صفي الصاج او اي صنف صغير
وعلى الاطراف داير مايدور الصينيه نصف الصمون اذا كان ملفوف بورق

وبعدين تحطين على الوجه شوية بقدونس مفروم بدون ماي مع شرايط الجزر بس مو جزر مبشور ناعم ... الافضل شرايط طويله شوي واذا تبون مبشور كيفكم بس المهم انه يعطي نظرة للصينيه .. ولفوه عدل بنايلون

واذا عندكم كبة برغل بالفريزر او سمبوسه اقلوها وضيفوها

عموما باقي صنفين او 3
وصدقوني الاصناف ماراح تتعب لانكم بتسوون شوية من كل صنف عشان الصينيه بتصير زحمه او ممكن تسوون صنفين كيفكم .. او ممكن تسوون وايد وتترسون صينيتين او اكثر للمناسبات
وصدقوني كله سهل اذا جهزتو شغلكم وحشواتكم بالثلاجه وقبل التقديم بساعتين مثلا نصخنهم ونحشيهم .. والحلوم قبل التقديم نحطه بالشواية .. والصمون نقطعه ونخليه في كيس مغلق