كيف الحال طيبين
سويت صينية باشميل الثوم
طعمها مرة حلو الي محليه الثوم طبعا :pinklove:
المقادير :
مكرونه اي شكل
صلصة طماطم علبه كامله
علبتين تونه
بهارات ومكعب ماجي
بصلتين مفروم بالسكين و2 ثوم مدقوق
فلفل رومي حبه كبير مقعطه مكعبات صغيرة
الباشميل :
كوبين حليب بارد طبعا كل كوب حليب ملعقتين دقيق وانا حاطه كوبين يعني عندي 4 ملاعق هيا حلي المعادله ذي خخخخخ
فلفل اسود وملح ونص اصبع زبده و3 فصوص ثوم كبير مدقوق وشوية شبت مفروم بالسكين
الطريقه :
اسلقي المكرونه بالطريقه المعروفه ملح وزيت ومويه مغليه
كشني البصل والتوم لين يذبلو وحطي التونه وحطي الصلصه كامله وعبي كرتون الصلصه مويه وصبيها فوق الكشنه حطي مكعب ماجي وبهاراتك وحطي الفلفل الرومي وتقدري تحطي فلفل حار
سبييهم يتسبكو وذوقي اذا يبغاله ملح
الباشميل :
اخلطي المكونات كلها سوا في القدر بالمضرب لين يختلطون كويس والدقيق مو متكلكع وحطي على النار وحركي لين يثقل
خذي جزء من المكرونه اخلطيها مع شوية من صلصة الباشميل وحطيها بالصينيه وحطي فوقها الكشنه
بعدين حطي باقي الممكرونه انا رشيت شويه جبنة مزريلا وحطيت فوقها الباشميل دخلت الفرن تتحمر شويه من فوق ومن تحت بس تتماسك
وتبعا هاد شكلا مرة طيبه
مع السلامه :icon30:
تسلم الايادي عزيزتي