اليوم جايبة وصفة يمكن مو جديدة لكن ان شاء الله تعجبكم بطريقتي :cook:
صينية مكرونة بالباشميل بالدجاج
أول شي خلطة الدجاج
عبارة عن بصل مفروم ناعم نشوحه على النار ولما يدبل نضيف الجزر المبشور وندبلهم سوا
بعدين نضيف الدجاج المقطع أنا استخدمت الصدور نحركهم باشتمرار مع اضافة الملح والفلفل الأسود
وشوية قرفة لو نشف الدجاج من غير ما يستوي ضيفي عليه من موية سلق المكرونة وحاولي يفضل طري
وكدا بيكون شكله
نيجي للمكرونة بنسلقها بالطريقة العادية وانا بفضل المكرونة الصغيرة لأنها أطعم
وبنخلطها مع الدجاج
طريقة الباشميل
في الخلاط ضيفي بيالة زيت مع مكعب ماجي و2 كوب حليب دافي واخلطي وأثناء الخلط ضيفي
4 معالق دقيق و2 كيري و2 سلايس تشيدر وملح وفلفل أسود وبيضة
واستمري في الخلط حوالي 10 دقايق وبعدين حطيه على النار واستمري في الخلط بالمضرب اليدوي
لا تتركيه ولا دقيقة الين يثقل ما رح ياخذ معاك 10 دقايق الا وهو جاهز واذا شفتيه ثقيل خففيه
انا احب الباشميل يكون خفيف شوي مو ثقيل فأزيد كاس موية وهو على النار
ضيفي نصف كمية الباشميل على المكرونة والدجاج وقلبيهم سوا
النصف الثاني غطي الصينية فيه بهالشكل
ونحطها في الفرن لمدة نص ساعة من تحت على درجة حرارة 160
ونحمرها من فوق
ان شاء الله تعجبكم وتجربوها