السلام عليكم يا أحلى عالم ..
اليوم جايبة لكم أحلى صينية فيونكات ملونة شهية ومغذية وان شاء الله تعجبكم . .
مكرونـــة الفيونكات الملونة بالنتقتس :
المقادير :
دجاج نقتس مقلي
بشميل ( 4 ملاعق طحين مع ثلث اصبع زبدة و نتفة ثوم مفروم حمريهم شوي وصبي عليهم 2 كوب حليب ساائل و شويه جبن موزاريلا وشة ملح و فلفل و أوريغانو وبس )
مكرونة فيونكات ملونة
رشة أوريغانو أوالزعتر الناشف ..
زيت زيتون ( زيت الزيتون صديق المكرووونه دايما استخدميه معاها يعطيها نكهة )
جبن موزاريلا + قوطي جبن تشدر كرفت الأزرق ..
الطريقة :
1) سلقي المكرونة
2) رشي عليها وهي بالمشخال شويه زيت زيتون ورشه من جبنة الموزاريلا وخلطيها عشان تذوب الجبنة
3) رشي أوريغانو أو الزعتر الناشف ..
4) صبي عليها البشميل
5) قطعي النقتس لشرائح طويله و وزعيها فوق البشميل
6) خلطي جبن الموزاريلا ويالتشدر و حطيهم فوق النقتس كطبقة أخيرة ورشي شويه زيت زيتون فوق الجبن عشان يتحمر ويصير شكله أحلى ..
7) دخلي الصينية الفرن وخلي النار من الاسفل بس لين تشوفين الجبن بدا يسيح ويتحمرررر
