مرحبا بنات حواء
اليوم عندي لكم صينيتين خضار بالدجاج مع بعض يمكن ماهي غريبه عليكم بس حبيت تشوفون طريقتي فيها
الأولى صينية باذنجان بلحم الدجاج المفتت
نقطع 4 حبات باذنجان حلقات ونملحهم ونقليهم في الزيت ونصفيهم
نسلق نص دجاجه او حسب مايكفيك مع اعواد قرفه وحبات هيل وقرنفل وملح 40 دقيقه ونصفيها من الماء ونخلي الجلد والعظم ونقطع لحم الدجاج قطع صغيره
ونحمر بصله مقطعه شرائح مع بهارات مشكله وفلفل اسود وحبة فلفل رومي مقطع ونضيف لحم الدجاج ونقلبهم مع بعض
نجيب صينيه بايركس ونرص طبقه من الباذنجان ونضع عليها طبقه من الدجاج
ثم طبقه من الباذنجان
ونخلط علبة كريمة خفق ص مع 3 ملاعق جبن سائل بالمضرب اليدوي
(انا هنا استخدمت قشطه بدل الكريمه) ونساويها على وجه الصينيه ونرشها بجبن موزاريلا
وندخلها الفرن 25 دقيقه من تحت ثم نحمر الوجه
وتقدم بالعاااافيه
يتبع
نقطع حبة بصله كبيره الى حلقات ونحطها في صينيه مع قليل الزيت ونحمرها على النار ونضيف بهارات مشكله وكمون ناعم وقرفه مطحونه وفلفل اسود ونقلب ونضع الدجاج المقطع (انا حطيت دجاجه كامله)
ونقلب تقليب خفيف
نضيف ملعقة معجون طماطم وكوب ماء ساخن وملح ونضيف حبتين كوسه وحبتين بطاطس وحبتين جزر مقطعين حلقات وحبتين طماطم مقطع حلقات ايضآ
نضيف حبة فلفل بارد مقطع حلقات
واخيرا نضيف نص علبة حمص مغسول ومصفى
ونخليها على النار الين تغلي ونغطيها بالقصدير
وندخلها الفرن ويكون حار ومشعلينه من قبل ونخليها ساعه وربع ثم نشيل القصدير ونحمر شوي من فوق
وهذا الصينيه بعد ما طلعنا ها من الفرن
يتبع