السلام عليكم ورحمة الله وبركاته ..
بعد غياب حبيت اشاركم هالأكله الطيبه وأراهن انها راح تعجب كل الأذوااق ..
المقادير :
دجاجه كامله - 3 فصوص ثوم مدقوقه ناعم - 3 ملاعق دبس رمان - ليمونه - ملعقه كمون - ملعقه كزبره بودره - ملح - ملعقه دارسين ناعم - رشه فلفل اسود - 3 بصلات مقطعين حلقات - بطاط مقع لحلقات ومقليه نص استوا - 3 حبات طماطم وسط مقطعه لارباع - ملعقه او ملعقتين شبنت - قطع بيرجر مثلجه على حسب الرغبه ( بيرجر لحم ) او تقديرين تستخدمين كرات اللحم المثلجه اذا ماكان متوفر عندك ..
طريقتي بصينيه الدجاج ممكن تكون مختلفه عن الطرق العاديه شوي .. لاني احب الدجاج يكون مستوي وناضج ومافيه ريحه زفره ..
عشان جذي احرص دايم اني اغسل الدجاج عدل واقطع ليمونه وحده لارباع واحشيهاا فيها وعقب احطها في قدر فيه ماي وملح وملعقه دارسين ونص ملععقه هيل ناعم واخليها تغلي فيه الين تنضج وتظل متماسكه ..
وفي هالوقت ..
احمر البصل تحمير بسيط واضيف له الثوم و مرقه الدجاج تقريبااا 3 اكواب من ماء سلق الدجاجه .. وعلبه صلصه طماط وثلاث ملاعق من دبس الرمان عشان الحموضه اللذيذه الي تعطيهااا للطبخه .. وملعقه كمون وملعقه كزبره بودره ..
واتركهه على النار الين يتسبكون عدل ..
نرجع للدجاجه بس تستوي ( نص نضج )
اطلعها من الماي واقطعها لاربع قطع ( طبعا اشيل قطع الليمون قبل ما اقطعها )
في صينيه الفرن يفضل انها تكون مستديره .. ارص قطع البيرجر على حسب العدد المطلووب .. وفوق البيرجر احط قطع الدجاج ..
واسكب عليهاااا الصلصله الي سويتهاااا بحيث اني اغطي كل قطعه دجاجه ..
رشي عليها شويه زيت من فوق .. شي خفيف ..
قطعي طماطتين او اكثر لاربع اقسام وحطيهاا بين قطع الدجاج ..
وانثري قطع الجزر ( انا استخدم الجزر المثلج الصغير لذيذ ومستوي وشكله بعد حلوو مع الاكله ) .. واذا تحبين استخدمي الخضروات المثلجه نثريها فوقهاااا ..
وبعدين صبي فوقهااا كتشب .. تقريبااا نص زجاجه وخففيها بشويه ماي قبل ما تصبينها فوق الطبق ...
جيبي قطع البطاطس غطي فيهاا الطبق كله ..
ورشي عليهااا شبنت // شبت .. تقريبا ملعقه او ملعقتين
http://www.w6w.net/upload/29-04-2005/w6w_w6w_20050429141412529769a3.jpg
وغطي الصينيه بالقصدير واتركيهاا على نار متوسطه بالبدايه وعقب خليها نار هاديه .. الين تتسبك المقادير كلهاااا وتستوي قطع البيرجر ..
الحلو في هذي الطريقه ان الصلصه تبقى تحت كثيره وكثيفه ..
عاد انتي وراحتك اما تدخلينها بالفرن او تخلينهااا على البوتجاز عادي وتحطين من تحتها حديده ..
وبالعافيه ان شاء الله ...
هذي صوره الطبق النهائي
