للتوضيح انا كنت منزله الموضوع ده فى منتديات تانيه باسم مختلف وبصراحه استفدت جداء من عالم حواء وقلت افيد ولو بشئ بسيط
انا جوزى امبارح كان عايز ياكل رقاق طرى بالبسطرمه ولكن للاسف راح عند الفطاطرى ولكن ما لقاش رقاق طرى وكان زعلان عشان كان معشم نفسه ياكله ومشى على شغله وبعدين قلت والله ما هزعلوا هعمل انا الرقاق فى البيت معلش انا مصورتش العمليه دى عشان كنت ملخومه فى العجين لكن الباقي بالصور المهم مقادير الرقاق كانت:
كيس دقيق الضحى
نص لتر ماء او ازيد بقليل حسب العجن
فى معايير معالق بتتباع فى السوق باصغر معيار 6 مرات حوالى 2 معلقه ملح صغيراو اقل بشويه
واعجينى جامد لحد ما العجينه ما تمسكش فى ايديك وتلاقيهاناعمه وطريه زى القطنه هى هتاخد منك وقت فى العجن انا كان عندى طربيزه واطيه وقعدت اعجن وانا بتفرج على المسلسل فما حستش بالوقت
وبعدين قطعى العجين كور زى كوره التنس 13 : 14 كوره وادهنى الكور بالزيت من بره وسبيها ترتاح نص ساعه اواكتر زى ما تحبى المهم غطيها بفوطه عشان ما تنشفش وبعدين افردى كل واحده بالزيت يعنى ادهنى السطح اللى هتفردى عليه بالزيت وافردى بالنشابه شويه وبعدين بصوابعك وسعى الدايره بيها وخليها رقيقه قوى تكونى مسخنه الفرن قوى وتكونى حطى الصاج على صاج الفرن وبعدين امسكى الرقاق وحطيه على الصاج اول ما تلاقيه مسك نفسه اقلبيه على الناحيه التانيه يعنى كل وش حوالى 30 ثانيه وشليه وحطيه فى كيس نايلون عشان ما ينشفش ولو عايزه بعد مايبرد تحطيه فى الفريزر انتى حره
نيجى بقى للحشو انا الاول
بقطع الكل مربعات :-
3 فلفل رومى وسط
2 طماطم وسط
وبصله وسط وارش عليها شويه ملح
و1/8 بسطرمه بدون الثوم وافرمه ناعم
1/8 زيتون اسود شرائح برد بفرمه
ملحوظه انا صورت بعد ما اخدت حابه من المقادير فباينه قليله عن ما كتبت المهم
انابدهن الصينيه سمن واحطها فوق النار تقدح وبكون حاطه شوربه جانبى يا دوب انزل فيها الرقاقه وبعدين احطها فى الصينيه اللىالسمن سخن فيها وبعدين اابعد الصينيه عن النار واكل رقاقه انزلها فى الشوربه وبعدين كل رقاقتين احط شويه سمن بالفرشاه افضل كده للراق السابع او الثامن يعنى نص عدد الرقاقات وبعدين ابتدى اضع نصف الحشوه بحط الاول طماطم وبعديناى مكون اخر من السابق زى ما تحبى وبعديين الاخر البسطرمه وبعدين النص التانى من المكونات والطماطم فى الاخر وبعدين نضع الرقاق زى الاول نبله وكل راقين شويه سمنه بالفرشاه والراق الاخير نبله لكن ما نحطش عليه سمنه ونضعه على صاج الفرن نفسه لحد10 دقايق وبعدين على الرف اللى فى النص وابعدين انا بخرجها واشوفها من تحت لو بقى لونها دهبى اروح اقلبها على صينيه تانيه واحط سمن فى الصينيه الاولانيه واقدحه وبعدين احط الرقاقه بالناحيه التانيه فى الصينيه الاولى وانزله على صاج الفرن شويه وبعدين ارفعه لحد ما يبقى القعر دهبى واطلعه اقطعه مرعات وبالهنا والشفاء اسيبكم مع الصور
بالهنا والشفاء