صينيه الشاورما لذيييذه لا تفووووتكم

اليوم جايبه لكم طيق صينيه الشاورما عن جد لذيييييييييذه اعجز اوصفها لكم طبعاً انا صرت ادمان عليها ما رح اطول عليكم و هذي المقادير
1دجاجه ع حسب اذا كانوا افراد الاسره كثير فاعملي دجاجتين.
اربعه حبات بطاطس على (حسب الصينيه ).
بصله .
فصين ثوم .
زيت حق تشويح البصل.
صلصه صويا .
علبه قشطه .
ملعقتين مايونيز .
ملعقه جبنه سايله.
جبنه مازوريلا (مو شرط تحطيها )
الطريقه:-
اسلقي الدجاجه وبعدين قطعيها بيدك يعني صغار صغار بس مو مره بعدين قطعي البطاطس حلقات مدوره واقليها بعدين رصيها بالصينيه وبعدها حطي الزيت بالطاوه وخليه لين يحمى بعدين اضيفي عليه البصل لين يصير لونه اصفر تقريباً اضيفي عليه الثوم المدقوق(طبعاً ما تحطي الثوم الا اذا دقيتيه) وقلبيها شويه بعدها اضيفي عليها الدجاج وقلبيه اذا انمزج مع الثوم و البصل اظيفي البهارات اللي انتي حابتها مع الملح و قلبيها شويه بس لمده ثواني بعدها حطي صلصه الصويا قد ملعقتين كبيره تقريباًو قلبيها بعدها حطي الدجاج ع البطاطس اللي في الصينيه بعدين جيبي طاسه وحطي فيها ( علبه قشطه و ملعقتين مايونيز و ملعقه جبنه سايله ) حركيها مزبووووووووط وحطيها ع الدجاج ذحين صارت عندگ ثلاث طبقات 1- طبقه البطاطس المقلي 2- طبقه الدجاج مع الصويا 3- طبقه القشطه و المايونيز و الجبنه .*_^ 
بعدين حطي جبنه المازوريلا اذا حابه تحطيها انا اذا عندي جبنه مازوريلا حطيتها و اذا نا عندي عااادي يطلع طعمها حلو برضو يعني المازوريلا بس للشكل من فوق اخر شي دخليها الفرن لين تحمر اذا حمرت طلعيها و قدميها طبعاً تتقطع وتنغرف في الصحون نفس حركه معكرونه الباشاميل وكليها مع الخبز و الماتشب و المايونيز اذا حابه ومع البيبسي حتطلع احلى و احلى وبالعاااااااافيه
لا تنسوا انتظر ردودكم