اخباركم يابنات
اول موضوع لي واول طبخه جديده لي
والطبخه ذي متاكده ولاوحده منكم جربتها بس لو تجربونها تدمنون عليها وفوق هذا سهله وسريعه وتنفع للموظفات والي ماعندها وقت
وسويته للسحور امس وتنفع مع الخبز الايراني او اي خبز تفضلون او الرز
طبعا الصينيه اخذت طريقتها من وحده بمنتدى كويتيات اسمها انجل كاات
بوريكم الصوره عذاااااب يميي اممممم
نجي للمقادير
نبدا الخطوات ولازم تسوي كل المقادير يعني ما يصير تشلين اي شي كل شي يعطي طعم في الخلطه
نجيب دجاجه نغسلها زين وبعد ما نغسلها نحط عليها خل وماي لمده نصف ساعه ونتركها على جنب
في النص ساعه نجهز النقيع سر الخلطه
تحطونها في كيس الي خاص باللحم وانا حطيت في صحن عميق بغطاته
علبتين زبادي ولازم الزبادي يكون كامل الدسم وخمس ملاعق كاتشاب ونص علبه المسترده او الخردل والسر ترى بالخردل
وملعقتين كبار زيت وعصير حبتين ليمون (ماحطيت ليمون لان ماكان عندي)
وملعقه خل كبيره وثمان فصوص ثووم مفروومه وملعقه كبيره كزبره مطحونه ناشفه
والي تبي الحار تحط ملعقه فلفل اسود وملعقه فلفل احمر (ماحطيت لاني مااحب الحار )
وملعقه كبيره زعتر مطحون وملعقه كبيره قررفه وملعقتين كبار بهارات اللحم او الكبسه
ونص ملعقه ليمون اسود مطحونه
ونجيب حبه طماط كبيره ونقطعها مكعبات
طبعا كل شي بكيس اللحم او الصحن بس لازم يكون كبير وتخلطين زين لين تحسينه تجانس
وبعدها تسوين فتحات بالسكين على الدجاجه طبها بعد ماتغسلينها من الخل والماي الي كنا منقعينها فيه
وتحطينها بالخلطه وتغمسينها بالخلطه زين وتغمسينها الفتحات بالخلطه
وبعدها سكري الكيس زين وخليه بالثلاجه لمده 12 ساعه او ليله كامله
واليوم الي بعده حطي الخلطه والدجاج كلها بصينيه وقصديرها وحطيها بالفرن من تحت وخلي النار واطيه لاترفعين وخليها ساعه ونص
ومايحتاج تحميرنها من فوق لانها تتحمر ترى ماشغلت النار عليها من فوق ابدااا
وبالعافيه على قلوبكم