السلام عليكم ورحمه الله وبركاته
هذه امامكم صينيه دجاج بالخضار لو اكلتوها مش حتئدر تمسك ايديك:32:
المهم مامداني اصور الخطوات كنت مستعجله ابوي جاء من الدوام بكير واخواني جو بدري واستعجلوني بالطبخ وانا اكره اللي ينافخ عشان معدته تقولون انهم في مجاعه اعوذ بالله مايصبرون:angry2:
يارب اتزوج واحد اخر همه معدته ويحب اكل المطاعم<<<<<عقدوها اخوانها:hahaha:
الموهيم طولت عليكم بس اعذروني لاب اختي كشخه وكيبوردها اكشخ<<< والله انه يجيب الصرع اضغط الحرف بقوة مابقى الا اوقف كلي ع الكيبورد عشان ينرعص الحرف:p
واليكم المقادير:7_2_103v:
ديايه مقطعه انصاص مدري اثمان المهم يعني الفخذ لحال والصدر لحال والجناح لحال مدري شسمونه:biggrin:
زيت زيتون
بهارات منوعه كل اللي بدالوبك حطيه
ملح
والسر بالنكهه هو دبس الرمان
خضار مشكله كل اللي عندك حطيه فلفل رومي جزر بعاطس اقصد بطاطس كوسا بصل اخضر بصل موف اقصد بصل الكشنه وطماط
معجون طماطم مذوب بكاس ونص ماء حار
سماق
طماطم مفرومه مع علبه زبادي وثوم
#الطريغه#
نقطع الديايه وننظفها زين مازين وشيلي بلوزته اقصد الجلد:06:
وبعد مانغسلها
نخلط في زبديه الزيت زيتون والبهارات وشويه ملح والدبس الرمان يعني كثري او قللي براحتك انا مقاديري بالنظر
ونمسك الديايه ونحط في كل قطعه 3 شقوق عشان يتغلغل الطعم للداخل ونتبلها بالخليط السابق
ونحط بالصينيه نص من الخضار ونحط فوقها الديايه المتبله ونحط النص الباقي من الخضار فوق الدجاج ونرش عليها السماق وفلفل وكمون مطحونين تبعا
ونصب عليها الماء المذوب فيه معجون الطماطم والملح
ونضيف بعد الطماطم المفرومه مع الزبادي والثوم
وندخلها الفرن لمده ساعه او ساعه ونصف مغطاه بالقصدير
وبالهناء والعافيه اتمنى تطبيقاتكم لهالوصفه اللزيزه بحد زاتو
واذا اعجبكم استقبلوا القبله ادعوا لي بالزوج الصالح والوظيفه الرسميه والرزق الحلال:heart: