مبارك عليكم الشهر وكل عام وانتم بخير
ندخل على طول بالمقادير والطريقه :
اول جيبي لك دجاجه وقطعيها ارباع وتبيها بالبهارات اللي عندك وخليها نصف ساعه وبعدين خذي لك بطاطس وقطعيها شرائح واقليها وصفيها بالصينيه بهذا الشكل:
........تذكرون الدجاجه اللي بدينا فيها الموضوع ارجعوا لها وحطيها بزيت واقليها مو لين تستوي يعني تصير نصف استوا وصفيها فوق البطاطس بهذا الشكل:
بعدين خذي بصل مقطع شرايح وفلفل اخضر بالمثل شرائح واحمسيها لين تطلع ريحتها وبهريها وملحيها وصبيها فوق الدجاج:
واخيرا جيبي لك 2 طماطم مقطعه شرايح دائريه وحطي بالصاج شوي زيت وصبيها الطماطم ولاتحركينها على طول خليها ثواني ثم حركي وخلي يدك خفيفه لاتتقطع الشرائح ونفس الحاله بهريها وملحيها واضيفي لها مويه وتصير كذا:
وصبيها على الصينيه:
واخيرا حطي عليها قصدير ودخليها الفرن لمده ساعه وبالربع الأخير ارفعي القصدير حتى الوجه يتحمر وحياكم الله على العشاء او الغدا ان بغيتوا:
زوووووووم
وهذا الصحن لاول وحده بترد:
جربوووها طعمها روعه وفوق هذا الريحه توصل لسابع جار وخلوني اشوفها بالاطباق المجربه
وشكرا لكل من دخل الموضوع وشرفه وتقبلوا تحياتي..
بكرة ان شاء الله بتلقينها بقسم الأطباق المجربة هع ...
تدرين شالمضحك ...أن أنا وانتي بنفس الدقيقة نزلنا موضوع ...كلنا 2 و34 دقييقه ...ههههه
تسلم يدك ودمتي بخير