شلونكم بنات؟؟@$
الصراحه ذاك اليوم سويت صينيه طعمها عجيب وسويت معاها عيش طعمه
اعجب هههههه وقلت لازم اوريه لحبيباتي بنات منتداى اتمنى يعجبكمَ!$#
المقادير !##!
1) دجاجه انا الي سويتها وزنها 1100
2) بصل شرايح - بطاط شرايح - فلفل بارد شرايح _ ثوم مهروس - بهارات -
كركم - بهار مشكل - هيل مطحون - ملح - ماجي مكعب - شبنت - كزبره - ليمون
فلفل اسود - دبس رمان - صويا ...@!#
هذي مقادير الصينيه
ناخذ الديايه ونغسلها عدل مدل ونقعها بليمون وهيل مطحون اخليها نص ساعه
بعدين اغسلها عدل وارجع اعصر عليها ليمونه وملح وكركم ومشكل افركها كلها
من داخل ومن بره واكون مسويه فتحات بصدر الديايه وبلفخاذ عشان احط فيهم
ثوم مهرووس واكون مسويه حشوه بصله كبيره وشوي ثوم وشوي شبنت وكزبره
واحط عليهم فلفل اسود وليمون اسود ششوي واحشي الديايه وايب ماعون
تيفال احط دهن ربع قلاص واحط الديايه واخذ البصل والبطاط وفلفل بارد و اخلطهم
واحط فوقه ملح شوي لاني نحط مكعب ماجي حبه وحده بس عشان مايصير الخلطه
مالحه واحط فلفل اسود شوي وكركم ودبس ارمان ملعقه صغيره صويا رشه
واحط الخضره ع جنب من الدجاجه وادهنها بصويا ودبس رمان وارشها دهن شوي وادخلها الفرن
لحد ماتستوي من تحت بعدين افتح الي فوق وتطلع النتيجه الي شفتوها
طبعا شفتوها عقب ماطلعتها اكييد هاهاهاهاها
الصور
قبل لا ادخل الصينية الفرن
بعد ما اطلعت من الفرن
بعد التزيين ( الشكل النهائي )
الحين العيش#!#
طبعا بدون مقادير ع حسب الكميه الي بتسوينها اغسل العيش وانقعه واحط ماي على النار في ملح وماجي 3 مكعبات صغار واشخل العيش وايب جدر احط فيه دهن ع
حسب كميه العيش واحمس فيه دارسين مسمار و هيل اخليهم واحط معاهم كركم
واحمس وايب العيش المشخول واخليه لحد مايصير لونه اصفر اكون منقعه
زعفران واحطه فوقه
واخليه نص ساعه ويطلع نفس ماشفتوه
وعليكم بالف عافيه جربوه وبتدعولي الى اللقاء مع طبق القادم
وهله هله بالردود السنعه هاهاهاهاهاه