صينيه شاورما في الفرن لذيذه وتستحق التجربه وقريبا بالصور

بسم الله الرحمن الرحيم

السلام عليكم ورحمة الله وبركاته

ورمضان كريم

و كل عام وأنتم بخير

ندخل في الطبق على طول

المقادير

صدور دجاج تقريبا .. ثلاثه,,, مسلوقه مع اضافة قليل من البهارات ,,فلفل أبيض مطحون و كمون

2\ بطاطس كبيره مقطعه شرايح خفيفه ومقليه
1\كوسا مقطعه شرايح خفيفه ومقليه

مقادير خلطة الوجه
علبه قشطه
3\ ملاعق جبنه كرفت السايله
2\ ملعقه مايونيز
تخلط في الخلاط وتوضع على جنب


الطريقه

نفرم صدور الدجاج في فرامة البصل بعد ما تقطعينها عشان تنفرم معاك

نضع في صاج زيت ونضع فيه بصله مفرومه ونقلبها ممكن تحطين فلفل حار
ونضع صدور الدجاج المفرومه و نقلبها مزبوط و تملحينها وتبهرينها نحط فنجالين شاي مويه
عشان تتماسك ونخليها الى أن تنشف المويه ,, ممكن تحطين في الأخير شويه كزبره

نجي للمهم

تاخذين صينيه وترصين البطاطس والكوسا
وتحطين فوقها الدجاج
بعدين تحطين خلطة الوجه ووزعيها مزبوط ولا تحطين الخلطه في النص لالا حطيها في أماكن متفرقه من الصينيه بعدين وزعيها
وتدخلينها الفرن من فوق بس الى أن تتحمر

وبعدين تاكلينها بالهناء والعافيه ..ممكن بالخبز أو بالملعقه مع الشطه :10_8_9:

والله مره تجنن سويتها الى الأن مرتين وبكره بسويها وأصورها
وان شاء الله أنزلها

جربوها تراها طعمه وشهيه:7_2_103v: