يسعد صباحكم جميعاً 🌹
من زمان عن قسم الطبخ فـ حبيت ادخله بطبخه جديده من صنع ايديه ويارب تعجبكم وتنال اعجابكم
🌼🌼
** ( المقادير .. )
- صدور دجاج ( اذا ما عندك عادي دجاج وانزعي الجلد وقطعي الدجاج و اتركي العظم)
- علبه زبادي
- ملعقه صغيره فلفل اسود + ملح
- ملعقه صغيره بهارات مشكله (انتي تحكمي ب الطعم تبغينها حاره حطي براس الملعقه فلفل احمر مطحون واذا ماتبغين حطي ملعقه صغيره كمون مطحون )
-- ثلاث حبات بطاطس ( واذا عندك جاهز مافيه مشكله)
-علبه قشطه
- ثلاث ملاعق جبن سائل
- ملعقتين مايونيز
- ثلاث حبات من شرائح جبن كرافت
- كزبره او بقدونس مقطعه صغيره
** ( الطريقه .. )
- نجيب صدور الدجاج ونقطعها الى شرائح خفيفه علشان تنضج معانا بسرعه وماتأخذ وقت.
- بعد م نخلص تقطيع صدور الدجاج نتبلها بالزبادي ونخليها على جنب خمس او عشر دقائق .
- في هالوقت نقطع البطاطس بشكل طولي.
- نقلي البطاطس ونرجع للدجاج.
- نحط على الدجاج الفلفل الاسود والملح والبهارات الي حابينها ( انا حطيت شوي فلفل احمر مطحون وكمون مطحون وطلعت حاره شوي بس لذيذه).
- نجيب طاوه ونقطع فيها بصله لقطع صغار ونبشر فص واحد ثوم علشان بس نكهه و شوي زيت ونحركها
- نحط الدجاج عليها ونحركها ونحط الكزبره المقطعه ونحركها وننتبه لاتحترق مع التحريك مستمر .
- اذا شفتيها خلاص نضجت طفي النار عليها
- جيبي صينيه فرن وحطي البطاطس المقلي كـ طبقه اولى والدجاج طبقه ثانيه .
- اخلطي القشطه والجبن السائل والمايونيز مع بعض وحطيها كـ طبقه ثالثه .
- وحطي شرائح جبن كرافت اخر حاجه وعلى الفرن من فوق راح يذوب الجبن ويطلع الشكل خرافي
- واذا جهزت زينيها مثل ماتحبين وكلوها مع خبز وجعلها عوافي على قلوبكم .
والله طعمها جنااااااان وكل من ذاقها سألني عن الطريقه جربوها واعطوني رايكم واذكروني بدعوه حلوه من قلوبكم الحلووووه .. 💓💓
ماشاء الله روووووووعه شهيتيني باين من الشكل أنه لذيذ جدا اليوم الفطور عندك وجهزي لنا بالبراد حقك شاهي