كيفكم مع رمضان وكيف رمضان معاكم
الله يتقبل منا ومنكم صالح الأعمال ويعيده علينا وعلى المسلمين يارب العالمين
طيب
نجي للصينيه
أنا ذقتها عند أحد الأخوات ومرة عجبتني واخذت الطريقه جربتها وقلت لازم أنزلها لاخواتي بنات حواء وصراحه عجبت أهل زوجي كثييييييير وكلهم سألوني عنها يعني بإختصار سويها وتكشخي فيها عندهم
أووووووه هدرت كثير << يلا عل مقادير
بطاطس 2 كبار مسلوووووقه كثير إهريها سلق عشان بنسويها بوووريه
دجاج صدور مقطع مكعبات ومشوح على النار مع بصل وبهارات وجزر مبشور وذره علب إن وجد وملح وصوص صويا <<إختياري
بشاميل كذاب <<اللي هو علبه قشطه و3 ملاعق جبنه كاسات مع قلييييل جدا ملح وفلفل اسود
الطريقه
دهني صينيتك بزيت ورشي عليها بقسماط حتى مايلصق البوريه بالصينيه
ووزعي البطاطس بالصينيه وخلي لها حواف OK
بعدين وزعي خلطه الدجاج بالنص
بعدين صبي عليه البشاميل الكذاب ودخليه الفرن من تحت 10 دقايق ومن فوق لين تتحمر
طلعيها من الفرن واتركيها تبرد وتتماسك شوي ثم قطعيها وقدميها بجد بجد لذييييييييييذه
لاحظوا معاي حبيباتي الطبقات القاعده اللي هي البطاطا البوريه بعدين الدجاج وفوقه البشاميل الكذاب ويمممممممم أليييمه
بس نصيحه اخيرة لا تثقلوا طبقة البطاطس خلوها وسط لخفيف حتى تكون خفيفه عل معده
وبالهناء والعافيه
دعواتكم
