"
مراحب يالغاليات
لي زمان ما شاركتكم باأطباقي المتواضعه
امس حبيبي كان جاي على باله صيني
وسويت له دجاج صيني ع السريع وطلع يمي يمي
وحبيت تشاركوني فيه ^_^
بسم الله نبدأ
المقادير:
صدور دجاج مقطعه
فليفله خضرا مقطعه رفيعه (جوليان)
بصل جوانح
جزر مقطع رفيع
صلصله صويا
صلصه حاره (تشيلي)
كاتشب
نشاء
ومويه
الطريقه:
سخني زيت على النار وحمري فيه الدجاج لين ينشف من مويته
شيلي الدجاج من المقلاه وزيدي الزيت لو احتاجت
ضيفي البصل وحركي لين يذبل لدقايق
ضيفي الفليفله وحركيه شوي
ضيفي الجزر وكمان حركي كل المقادير لمده دقايق
نرجع الدجاج للمقلاه ونحركه مع الخضار
نضيف الصويا والكاتشب والصلصه الحاره
نذوب النشا في مويه ونضيفه للمقادير
اتركيه على نار هاديه لمده خمس دقايق
وقدميه مع رز او مكرونه ^_^
والف عافيه
يمكن الطريقه مو جديده عليكم
بس سهله مره ولو عندك كمان ملفوف ابيض بيطلع معها لذيذ
ومشروم يمي يمي
بس انا ما كان عندي ^_^
بالعافية يارب
الف شكر