ضائعة في متاهات زوجي ؟؟؟ كيف ألقى نفسي؟!

السلام عليكم يا حلوات وصباحكم ورد
وحياتكم سعيدة

من النهايه بأبدأ وأبي حلول لو بسيطة الله يوفقكم ويحقق لكم كل ما تتمنون


أنا متزوجه من 9 سنوات تقريبا
المشكله تكمن ان زوجي علاقته مع أهله وأخوانه قويه وهي مو مشكله لكن لما يكون متضايق ما يحب يشوفني او يكلمني دائما يقول وخري .... ابتعدي ... يحمل حاله ويغير المكان الي أنا جالسه فيه ... وعلى طووووول يدق على أخوه ويقول له المشكله و أحيانا يلمح بألغاز عشان ما افهم هو وش يقول ؟؟

مرة مرتين بس صرت أحس دائما
يقول أحيانا انت تضيعين وقتي لكن اذا كلم أهله يطول و إذا زارهم يجلس عادي بقول مثال صار طلعت السوق في أحد المجمعات ولما جا يأخذني بنشرت السيارة الكفر الخلفي نزل وهو تعبان كان وصلحه طول شوي يمكن 25 دقيقه
لما ركب قلت له الله يعطيك العافيه قال لا تتكلمين ولما نزلنا البيت قلته شكرا ادري انك تعبان قال اتركيني وعلى طول كلم أخوه وحكى له الي صار وهو متأثر ومتضايق كأن أنا الي سويت كذا ...
جبت العشا يتكلم مع العيال عادي ويضحك معهم وأنا لا ولا حتى يناظرني







وهذي جزء من قصتي وطريق واحد من المتاهه ؟؟



قولو لي وش الحل وش أسوي معه كيف اجذبه مع العلم ان الي بيني وبينه كثير (عمرا)



وشكرا لكل من تمد لي يدها