ضااااايعة و محتارة انتو وش تقولون يامتزوجات ياللي عندكم خبرة

السلام عليكم ورحمة الله و بركاته
يا ناس خلاص طفشت موضوع زواجي أحسه يتعقد وأحس المشاكل تافهه و أقدر أحبها بس أصعب الموضوع
أنا أحس اني على وشك الزواج و فيه تلميحات بس لما أفكر بالمشاكل اللي بتواجهني أحس بيطير عقلي ما أدري انا مكبره الموضوع و الا هو يستاهل فعلا فعلا
انا اخر بنت من خواتي عمري ٣٤ يعني متأخرة شوي عن الزواج عندي أخ مريض نفسي و عندي أم كبيرة بالسن شوي بأخليها اذا تزوجت....مشكلتي ..هي اني قرب يجيني نصيبي و أحس منحرجة من خواتي واللي حواليني أحس فيهم يقولون وش تبي تتزوج هذي و تخلي أمها و أخوها لأن فيه ناس جو عندنا فعلا وقالوا يبون يشوفوني و من ذاك اليوم أحس خواتي زي اللي محتقريني لأن بيتنا كبير و أمي تشتغل فيه و هي تعبانه أنا اللي أساعدها أصلا و ما تحب الشغالات و أخوي المريض كله يوسخ البيت و غيره عندها ٢ بعد تنظفلهم
المشكلة اذا تزوجت من بيساعد أمي في هالبيت الكبير لا تقولون شغالة لأن أمي ما تحبهم و بيتنا كله شباب و انا ما عندي إمكانية أجيب شغالة لأني مو موظفة زي خواتي واذا قلت اخواني يقولون هي تتزوج و تنبسط واحنا ندفع
محتارة محتارة أتزوج و أخلي أمي في عالبيت الكبير تشتغل و تنظف و تكرف لحالها و أنا أتزوج و الا أهجد وبيعوضني الله عن الزوج بأشياء أفضل
اسفة ع الإطالة بس ذبحتني الحيرة ذبح