ضاااايق خلقي,وشكله الكورس مابيعدي على خير,,:(

السلام عليكم ورحمة الله وبركاته,,
شحالكم بنات حوااء؟
امممم..مابى اطول والف وادور ,بدخل بالموضوع بسرعه وياليت تساعدوني وماتبخلون علي ولو بدعاء في ظهر الغيب..

بدا عندنا الفصل الثاني ((مدرسه)) والحين هذا 3 اسبوع..وانا والله يابنات كارهه المدرسه والدراسه..رفض شديييد بداخلي,من امسك الكتاب ابى اذاكر,,احس بضييق وفي المدرسه احسب الدقايق عشان ارجع البيت,., والله مادري شو فيني ؟
مع العلم انه مستواي الدراسي ولله الحمد جيــد..وانا كنت ناويه اني اشد حيلي اكثر هالكورس واذاكر أول بأول..بس جد ماراااااايمه..حتى الحين يعطونا امتحانات صغيره "كويز" واروح وانا ما مذاكره,,انا ماكنت جيه..مادري شو صاير فيني حاسه بشي على صدري تجاه المدرسه..حتى فليل ماريد انام..لأنه ادري اذا نمت بيطوف الوقت وبيستوي الصبح وبروح المدرسه :( انا مابقولكم اني من قبل احب المدرسه..لا عادي..ماكنت احبها بس ماكان شعوري مثل الحين..يعني قبل كنت اذاكر ولو اني اكون متضايقه مثلا او لايعه جبدي..بس الحين ماااااااااطيق افتح كتاااب واحد
وانا مابى مستواي الدراسي ينزل..

انا قلت لأمي اني عايفه المدرسه ومادري شو فيني...و جابوا لي ماي مقري فيه..
شربت منه البارحه واليوم..بس مادري..ماحسيت بتغير.."مع العلم اني غايبه اليوم بعد" لأنه عندي امتحااان ومارمت اذاكر وجد نفسي تعباانه حتى والله فليل جلست اصيييح..وامي خلتني اغيب لأنه شايفه حالتي كيف كانت..هي تحسب اني مريضه وتعبانه..ماتدري انه نفسيتي هي اللي تعبانه..
ويبون يودوني المستشفى اليوم,على بالهم شي يعورني وماراضيه اقولهم..
دخيييلكم بنات ساعدوني,انصحوني,ادعولي..:(
والله محتاجه لكم ولدعواتكم..نفسيتي بالمرررره