ضاقت بي الدنيا
السلام عليكم ورحمة الله وبركاته يا أصحاب الخبرات أنا زوجة ثالثة لكن فعليا ثانيه لان الاولى مطلقه المهم مشكلتي بإختصار صار لي من 5شهور وأنا في نفس الوقت من الشهر تسوء علاقتي بزوجي بسبب مشكله ويزعل علي ثلاث أو أربع أيام وأنا ماأتحمل تضيق الدنيا علي ولا كأن لي بالدنيا أحد المشكلة هالشهر هو طلع البر وأنا أستأذنت أروح السوق مع أخوي وسمحلي وهو باليل موعندي عند زوجتة المهم رجعت ماشفتة لانه كان داخل وبعدين صادفته الصباح وانا جايه من الحوش صبحت عليه مارد قلت يمكن ماسمع وبعد صلاة الجمعه ماطلع عندي زي العاده نزلت لقيته بالخيمة سلمت رد علي ببرود وباليل نام بالمجلس تحت خليته يوم السبت ماكلمته ويوم الاحد وصلت حدي نزلت بعد العصر وسألته وش فيه قال أنا تعبت معاكن والكلام ماله فايده اسكت احسن وأنا حاولت أعرف بس ماقال قولولي وش أسوي :44:
6
487
يلزم عليك تسجيل الدخول أولًا لكتابة تعليق.
Maribell
•
مرة سمعت ان المرأة اذا زعلت فهي في الحقيقه تدور احد يسألها ويهتم لها ويراضيها مو يطنشها بينما الرجل يبي ياخذ مساحه لنفسه يفكر فيها بدون ما احد يضايقه خليه قومي بواجبه بس لا تضايقينه بالاسئله شي ثاني لاحظت ويمكني غلطانه انك تلمحين انو احتمال زوجته الاولى تكون ساحرتك لانك تقولين نزعل في نفس الوقت من كل شهر نصيحة تعوذي من ابليس كل بيت فيه مشاكل والله يهدي سركم
شذا الجنان شكرا أم أسماء أنا ماني عارفة ليش زعلان هذي المرة أنا أتوقع أن زوجته قايله شي لانه الواضح لي انه زعلان علينا كلنا ..... يعني أنا أقولك الشهر اللي طاف هو كان بيطلعنا الملاهي وجارتي غالبا تطلع ببنطلون (المستشفى-السوق-الملاهي) انا مالي شغل فيها أنا أماكن مختلطه ماالبس فيها بنطلون(قناعات) ولاعمري جبت سيرتها المهم أنا المره اللي طافت يوم نروح الملاهي لابسه بنطلون وبلوزه الا الركبه (لبسته قدام زوجي).........المهم ذي المره لابسين وجاهزين وماعندنا مشكله باقي شوي ونركب السياره راحت أختنا فالله نادته وقالت تسمح لي البس بنطلون قال لا قالت اجل ليش سمحت لها ذيك المره تلبس طبعا جاني معصب وطلعتله اللبس اللي لبست وقلت طيب هي عادي تطلع ببنطلون حتى للسوق حبكت الاتستأذن الحين نزل وسأللها وقالت أيوه أنا البس بس حبيت أستأذن ذي المره ............يمكن البعض يقول ذي المشاكل بسيطة ويمكن تافهه بس (كثر الطق يفك اللحام) والله ملييييييييييييت أنا صريحه ولا لي شغل بغيري بس الشكوى لله
رايحة البحر جزاك الله خير............maribell يعطيك ربي العافية بس أنا ماأتوقع سحر لانه مهما كان حنا مسلمين صحيح بيننا خلافات بس ماتوقع توصل لدرجة بيع الدين وعندي يقين انها لوتبي تسحر ماأكتفت بمشاكل كل شهر وبس .........أنا أبغى كييييف أتعامل مع زوجي وبس كيف أتعامل مع المشاكل التافهه اللي تختلقها كل مره.......
الصفحة الأخيرة
فصعب علينا مساعدتك فوضحي شوي بارك الله فيك خلينا نساعدك إن شاء الله
يسر الله أمرك