ضاقت بي الدنيا ساعدوني

السلام عليكم ورحمة الله وبركاته

البارح خرجت لجارتنا اتحمد لها على سلامتها

وكنت ابجيها العصر بس اعتذرت لانها عندها بناتها واطفالهم ونايمين بغرفة الضيوف قالت تعالي العشاء وجيتها بعدالصلاه مباشره وجلست ساعه ونص ورحت للبيت وادق ماحد يفتح وكلمني اخوي من وراء الباب قالي ماعندي محارم تمشي ع كيفها قلت افتح الباب ونتفاهم وفتح لي

وماخلى كلمه ماقاله هو شكاك وع باله اني مطلقه بسبب ان زوجي شاف علي شي مو كويس

تفكيره مريض

حتى قال كلام موزين وسمعوه بناتي وتحسبت عليه وجاء يمد يده علي غير امه ردته

قلت لا حشيمه ولاتقدير لاختك الكبيره وقالت امه لو مو محشمك ماجلسك ببيته قلت جالسه مو بلاش انهلكت من الشغل اطبخ واغسل وانظف واكلي واكل اطفالي من ابوهم وجلست تسب وتلعن فيه قدام بناته

بنات الله يسعدكم قولي لي لمن الجا يتكفل يبني لي غرفه وحمام ومطبخ بحوشهم والله العظيم ماتحمل اكثر والمدارس جايه بناتي العام مستواهم نزل ونحفن من المشاكل وانطؤائيات والكبيره اذا احد تكلم علي تبكي وتعصب وماتحصل الا الضرب من اخوي يقولها ماتربيتي كيف تتكلمي مع الناس

والله العظيم ماقدر اتحمل لدرجه اتصلت ع ابوهن يبني لي غرفه مع حمامها وقالي مصروفكم يوصلكم وانا مارميتك بالشارع انتي عند اهلك

وهو عارف الوضع هناك والمشاكل بس مو فاضي لنا

حتى فتحت حساب ابيع وماجاني الا زبونتين بس وخالتي اخذت من كل طقم شي لها من غير ماتدفع ومرا قالت ابروح لحرمه ساكنه ببيت جديد واخذت اغلى طقم وقالت اديك فلوسه وصدقتها ولا دفعت ريال

الجا لمين يساعدني ببناء لي ملحق انا بس ابنيه ماراح اقول لهم تلييس من برا ابغا بيت لي ولاطفالي

والله اني صادقه بكل كلمه والله لا يسامح اللي تكذبني زي بموضوع قصتي