ضاقت بي الدنيا عطوني حل.....

السلام عليكم ورحمه الله وبركاته

شحالكم يا بنات وعساكم بخير ....
ضافت بي الدنيا كله مشاكل وهوم ماتنتهي :icon33:

بنات انا تعبانه ومضايجه وااااايد وصحتي مش مثل اول وزني بدا ينزل كان 52 ووصلت لل 47 والمفروض وزني يكون 64 عشان يتناسب ويا طولي

ام زوجي تكذبني وتصدق الناس والخدامات لو اقولها انا ماسويت هل الشي او مالي دخل فيه تكذبني كذا مره اتهمنتي باشياء انا ما سويتها وتجرحني بكلامها مثل طعنة السكين طول حياتي اعزها واحبها مثل امي سواءا هيه او ابو زوجي او اهله حاطتنهم ع العين والراس عادتنهم مثل هلي اخاف عليهم ومارضى عليهم الكلام الشين وكل حد يسألني كيف اهل زوجج وياج اقولهم مافي حد احسن عنهم طيبيين وحبوبيين وهم بالفعل طيبيين بس العيب الوحيد انهم مايصدقوني ولو تصير مواجهه بيني وبين ام زوجي مع اني لو اكلمها ما اجرحها احاول بكل الطرق تصدقني واني ماكذب واني مب مضطره اكذب دامني ع حق وربي الشاهد ع كلامي ولو كذبت بقول لان مافي انسان معصوم من الغلط كلنا نخطي ونتعلم... واكيد بعدين كل بناتها يعرفون بالموضوع وتنقل عني فكره غلط

تصدقون حتى لو اكون يالسه فالصاله الصبح يمرن البنات ومايسلمن ( مرات مش دايما بس عشان ما اظلمهن بكلامي ) وانا لو اشوفهن او مجرد لمحه اسلم وحتى مرات اذا تعمدن مايسلمن علي انا ابدا بالسلام بس لين متى هل الحال ليش يحسسوني دايما اني الغلطانه حتى مايتكلمن معايه مثل قبل صارن يحبن سلفتي اكثر عني وام زوجي بعد ولو اكون قاعده معاهن يكون حالي مثل الجدار او لوحه معلقه ع جدار كانه مالي وجود

ماعرف وين الغلط يمكن غلطت فشي واحد بس وهو اللي اثر ع حياتي والسبب حملي بعد ماحملت ببنتي ماطلعت معاهم وايد وبصراحه انا ماشوفها حلوه كل ماشوف البنات طالعات اقولهن بروح معاكن الا اذا عزمني بس كان فيه بينا سوالف عاديه وبسيطه وبعدين سافروا وسلفتي معاهم لانها كانت عروس وانا قعدت فالبيت روحي بيت 4 جدران ماعندي حد يونسني ويسال عني مع اني اتصل فيهم واسلم واطمن عليهم وبعدين ع كل مشكله تغيرت معاملتهن لي

انا استويت هاديه زياده عن اللزوم وبصراحه مش عايبني الوضع نهائيا انا قبل ما ازوج احب اطلع واسولف واضحك ماتعوت ع العزله والوحده كل يوم احس اني مهمومه ومضايجه

طول الوقت افكر فالمشاكل اللي صارت وتاثرت صحتي وشكلي وماقدر اصارح اي حد باللي فخاطري لاني كتومه ومالي غيركم من بعد رب العالمين اشكيله ماعرف كيف اتصرف ويا هل الوضع اللي احس انه بيقضي ع حياتي فيوم من الايام والله يا بنات مرات احس ان عين صايبتني لاني يوم كنت عروس وقبل هل المشاكل كنت غاليه وايد عند اهل زوجي واحين احس مالي قدر ولا معزه عندهم حالي حال الضيفه بس بعد الضيف يكون غالي ع الاقل بيجابلونه وبيعطونه ويه وبيتكلمون معاه

بنات ساعدوني عطوني حل اقدر انقذ به حياتي لاني مابي اخسرها :(