ضاقت بي الدنيا من زوجي الزعوووول

اهلين اخواتي
والله من كثر حبي لهمنتدى والاخوات اللي فيها وخوفكم وحرصكم على بعض شجعني اعرض مشكلتي
والله والله والله ماابي منكم الا دعوه صادقه...

باختصر لكم مشكلتي..
يمكن غيري يشوفها شي بسيط بس والله هالمشكله مؤرقتني ومو مخليتني ارتاح
انا متملكه من حوالي سنتين وزوجي انسان زعووووووول على شي تافه يزعل وزعله شين يطول بالايام
والمشكله انه اذا زعل طنشني تطنيش كامل والله احيانا مااكون انا الغلطانه واصلا مافيه شي يزعل ويزعل ويقطعني كم يوم
اقول يابنت الحلال كبري عقلك وخليها تعدي اهم شي زوجك وهو جنتك ونارك ومالك الا رضاه واقوم احاول اراضيه طبعا برسايل لانه مايرد علي والله مايبقى كلمه حلوه مااقولها ولا كلمه تكسر الخاطر مااقولها واحاول اسوي اي شي بس عشان ابيه ينسى الزعل
والله مره تركني اسبوعين مايرد علي ولاحتى طمني عليه بس عشانه كان معصب وانا اصريت يقولي ايش فيه
المهم..
الحين اخر سالفة زعل قبل يومين قبل ماينام اتصلت عليه ومارد علي ارسلت له رساله وردها لي قلت اكيد عنده احد ومايقدر يرد علي المهم بعد فتره اتصلت عليه ولقيت معه انتظار وارسلت له اذا خلصت اتصل علي
المهم شوي واتصل سلمت عليه وتطمنت عليه وسالته عن الوقت اللي يبيني اصحيه فيه وسكرت منه
شوي تذكرت اني ماقلت له عن جدولي وارسلت له اذا ماكان عليك ازعاج وماكنت نايم ابي اشاورك بجدولي ايش احذف وايش اخلي
ارسلي يافلانه ممكن انام خمس ساعات قبل الدوام وخلي جدولك بكره؟؟
ارسلت له (((على راحتك وتصبح على خير))) <<<< تشوفون في هالرساله شي غلط!!!!!
عصب وارسل لي مالت عليك وعلى اسلوبك ولاتصحيني الصبح
المهمارسلت لهابرر موقفي واني ماغلط وتاسفت منه اذا شاف علي غلط وقال لي لا ترسلين ولاتصحيني الصبح
المهم امس مارد ابد حاولت بكل اسلوب وبكل طريق ومافاد
اليوم الصبح قلت بصحيه انشالله يكون رضى ولقيت معه انتظار يعني موصي احد غيري يصحيه!!!!
وحاولت اتصل بعدها ومارد
قلت بسفه يمكن يحن ومافادت حتى السفهه

هذي مشكلتي وطبعا هذي المشكله مو اول مره تصير دايم تتكرر وانا عارفه اني غلطانه لاني احاول اراضيه ومعطيته وجه المفروض اني سافهته من اول عشان مايتمادى وماابي ادخل احد من اهلي بالموضوع لان هالموضوع خاص فيني وفيه وماابي السالفه تكبر
والله اني مداريه همي عن اهلي وكل ماسالوني عنه اقول انه بخير ويسلم عليكم وانا اتقطع من جوا
والحين خايفه يطول زعله وانا خلاص مافيني صبر
والله دعيت ودعيت وانشالله ماراح اياس مع رحمة الله واستغفرت ومالي الا الصبر
ماابي منكم الا دعوه من قلبكم بان ربي يصلح اموري مع زوجي ويهديه ويبعد عنه هالعصبيه ويرجعه لي عاجلا غير اجل
واسفه على الاطاله

اللهم اني اسالك بان لك الحمد لااله الا انت الحنان المنان بديع السموات والارض ياذا الجلال والاكرام ياحي ياقيوم لااله الا انت سبحانك اني كنت من الظالمين يارب يارب يارب يامن امرك بين الكاف والنون
اصلح مابيني وبين فلان واهده وارجعه لي بقوتك يامن لايعجزك شيء في هذا الكون اللهم اصلحه وحنني الى قلبه النه لي كما النت الحديد لداوود وسخره لي كما سخرت البحر لموسى والريح لسليمان اللهم اسالك ان لايشغل قلبه ولاعقله انثى غير واجعلني قرة عينه الوحيده

تكفون قولوا امييييييييييييييييييييييين....:26:

يارب ارزق من تدعيني بما تتمنى وافتح لها ابواب رزقك وارزقها من حيث لاتحتسب اللهم امين..