ضاقت علي يابنات

السلام عليكم ورحمة الله وبركاته
بنات ابي العون والمساعده من الله ثم منكن
تعبت من مشكلتي وابي منكن الحل
انا متزوجه ومشكلتي مع زوجي الأسلوب
يعاملني باأستحقار ودونيه ، دايم ينافخ علي وماعنده اي مشكله يهزأني قدام اي احد
طبعاً انا الفتره هاذي ساكنه عند اهله بغرفه وحده بس،، لحد مايأمن بيت،، وقايمه فيه وبأهله ولاعمري تذمرت او شكيت،، لكن هو باالمقابل مو مقدر كل اللي اسويه عشانه،، مايصدق اني اقول اي كلمه عشان ينفخ فيني،، قبل يومين يابنات كنا نسولف عادي ،، قلت كلمه جداً عاديه والله يابنات انه تفل بوجهي وطردني من الغرفه،، قمت من عنده والكارثه اني رجعت اعتذر وانا مااخطيت خطأ فادح ،، رجعت اعتذر لاني مااحب المشاكل،، ماقبل اعتذاري وقعد يصارخ قدام عيالي،، والله يااشكالهم انها تكسر الخاطر،،، تدرون وش سويت
نزلت على رجوله ابوسهم عشان يسامحني ويسكت، عشان عيالي وهو كل ماله ويكبر راسه علي
اليوم برضو سألته عن شغله وجلس ينافخ بصوت عالي ونبرة زعل،، قمت قلت روق حبيبي
زعل لاني قلت له كذا وقام يسبني قدام بنتي ويقول امك نفسيه وانا ماعاد ابي منها شي بس ابيها تفكني من شرها
مع اني والله والله والله مو مقصره بشي ابد ولا من اي ناحيه،،، احسه زي اللي يبيها تجي مني واطلب الانفصال
طبعاً اذا جيت ابناقشه بشي وانه ايش اللي مزعلك مني ولا انا بأيش مقصره،، يجي يحط كل عيوب الدنيا فيني
انا صابره عشان العيال ولاني احبه،، لكن الحين بديت اكرهه واكره معاملته لي اللي احس كلها استعباد وذل
تكفون انصحوني وش اسوي،، اليوم فكرت اطنشه واشوف مع اني ولا عمري جربت كذا