جهلت عيون الناس مافي داخلي
فوجدت ربي بالفؤاد بصيراً
يا أيها الحزن المسافر في دمي
دعني فقلبي لن يكون اسيراً
ربي معي فمن الذي أخشى أذن
مادام ربي يحسن التدبيرا
وهو الذي قال في قرآنه
وكفى بربك هادياً و نصيراً


والله ما بعد الشده إلا الفررررررج ولو طال
ادعوا الله وانتم ساجدين ولا تستعجلوا الاجابه
صلوا اخر الليل ان شاء الله سهام الليل ما تخطئ
وايقنوا ان الله سيأتي بالفرررج
يارب فرج هم كل مهموم

يارب اجبر كسر قلبي وعوضني خير يارب افرج همي ياكريم يارحيم

بقولكم قصتي يمكن تعجبكم
تزوجت وعمري 16 وتغربت عن اهلي
زوجي كان جاف جدا جدا
اعتقد اني ماعجبته او ماحبني مدري
المهم
كانت المعامله مو بذاك الزود لكن مايغلط علي صاد وبس
ومرت الشهور وهو مايبيني احمل ومرت سنتين ومازال مايبيني احمل يقول يمكن مانكمل وانا ساكته ولا حرف
وكل ماحد سالني من اهلي او المعارف اقول الله ماكتب
المهم بعد هالسنتين وافق بالقوه اني احمل
ولكن ماحملت
انتظرت سنه سنتين ثلاثه وانا على نفس الحال حتى امي مااقولها ايش صاير
صرت اترجى فيه خلنا نروح الطبيب قال تبين بيت اهلك تفضلي دكتور ماني رايح
رحت عند اهلي قالتلي امي نوديك الطبيب قلت لا زوجي مايوافق
وبعد ترجي وبكاء قالي قومي اوديك وانا مو داخل معك قلت طيب
دخلت وحكيت للدكتوره وتخرج تناديه وتهزأه انت ليه جالس برى (والله لو تدرون قد ايش فرحت )
المهم حولتنا لاخصائي العقم
وتطلع النتايج السبب منه وانا سليمه 100%
الدكتور كان جلف معنا مره قال انتو ماراح تخلفون حتى بالانابيب لانه النسبه عند الزوج صفر
ورجعنا البيت وساكتين قلتله نحاول الانابيب
قال يابنت الحلال خذي ورقتك وتوكلي على الله روحي بيت اهلك
وهو مازال على تعامله الجاف معي طول هالسنين مافي ريق حلو ابدا ابدا ابدا
وجلست عنده كل كم شهر افتح الموضوع ويردني
وارجع افتح الموضوع ويردني
لين شاف ماني فكه ماراح اروح بيت اهلي
قال طيب محاوله وحده نجحت نجحت مانجحت خلاص انسي الموضوع قلت طيب
وتفشل وانهااااار بالكامل وتنسد الدنيا في وجهي
ورجع يقولي روحي بيت اهلك وربي بيسرلك
وانا ارفض
وبعد سنه ترجيته نعيدها وعدناها وفشلت وبعد سنه عدناها وفشلت
الين الدكتور قاله لازم ثلاث مرات بالسنه والرابعه مجانا تشجع وكان دخل جو شكله وسويناها بمثابره كبيره ست مرات وتفشل
هالمره انا قلت خلاص ماني مسويه شي
ابغى احتضن طفل افرح فيه واكبره
المهم روحت سويت الاوراق والمعامله ماشيه اصرو اخواتي الا اسويها
لدرجة قالولي هالمره عشانا ومشيت وانا رافضه اسويها من قلبي ما ابغي
وسويتها ونجحت
وحملت باجمل بنت في الدنيا
كان صاير لي 14 سنه من تزوجت
وكانت فرحت لا توصف
وكله بفضل الله ثم بركة النيه فقط في احتضان اليتيم

وكبرت البنت وانا لسى ما نسيت الطفل اللى مقدمه عليه وكملت اوراقي وجاني احلى ولد رضعته وصار اخو بنتي من الرضاعه
نرجع لزوجي
هيا قول ماشاء الله تبارك الله

الله يباركلها
والله العظيم ذاك القاسي صار حنين
ذاك اللى مايوديني لاهلي صار يخليني اروح لو كل شهر ونص
ذاك الحريص على القرش صار مبذر (انا اللى اهاوش من التبذير )
والله الكل حاسدني او نقول غابطني عليه
وترى حتى الصبر هو نعمه وفضل من الله مو بشطارتنا
فلا حول لنا ولا قوه الا بالله

حسبنا الله سيؤتينا الله من فضله وانا اليسه راغبوون
يارب يفرج مانمر به من ضيق قادر انك تخييييب كل الظنون يارب العالمين
اللهم صل وسلم على نبينا محمد