ضاقت فيني

السلام عليكم
اللهم صل علئ محمد
والله مو قادره اشوف الشاشه من الدموع
انا قبل فتره قلت لكن بنقل ببيت ثاني لان عيال زوجي وامهم بيسكنون عندنا بديرتنا وبيسكنون ببيتي سابقا لانه علئ قوله زوجي انه كبير وانا بسكن ببيت علئ قدي المهم بنينا بيت جنب بيتي الاول وسكنت وجو اهله وناوويين علئ الشر من لما جو وانا ماذقت الراحه هم بس يجون بالويكند وايام الدراسه يروحون لديرتهم المهم من لما يجون الخميس لين السبت اخر الليل وانا بحاله مايعلم فيها الا ربكم
اربع وعشرين ساعه مضايقات يطقون الباب كل خمس دقايق
نبي شاحن
نبي غاز
نبي قهوه
نبي سكر
ونبي لزقه جروح
ويطقون الساعه12 ونص نبي شامبو يعني من بيتسبح اخر الليل ؟
مع ان هم جايين من مدينه وانا بقريه يعني عارفين ان اغلب الاشياء ماتتوفر عندنا
بس كذا يبون ينكدون
مااعرف انام انا وولدي قسم صاحين من 8 مت ازعاجهم
المهم ومع هذا صابره وساكته
بس امس احتجت اغراض لولدي حليب وحفايض وماجاء زوجي من السفر الا قبل العصر ومامرني الا بعد المغرب وحنا مابيننا الا مترين قلت ليه ماجيت تشوف وش ناقصنا قال ليش مادقيتي قلت انت كلمتني قبل تجي قلت لي شوي وبجيك وعلئ هالاساس انتظرتك قال انا اجي واروح بأي وقت وبنام عندهم الليله وش تبين قلت بس ابي اغراض للولد وابي اروح ازور خواتي قال مافيه روحه قلت طيب وهو يطلع ويرجع قال روحي ولا تشوفك عيني والمفتاح نزليه هنا ويصارخ بشكل مو طبيعي الا علئ دخله ولده الكبير قال برسل فلانه لاهلها وخذ اغراض للولد من الصيدليه يابنات طردني وانا ماقلت شئ خذيت اغراض ولدي المهمه ورحت مع ولده وخذيت اغراض لولدي ونزلني عند خواتي وانا كنت ماابي ارجع هو طردني بصريح العباره
المهم رحت لخواتي مجتمعات الا هو يدق علي الساعه 10 يقول متئ بترجعين قلت مدري ماعطيته وجهه قال هذا رقم فلان ولابغيتي ترجعين دقي عليه قصده يعني مايبينن اتاخر قلت طيب وسكتت اضطريت ارجع لان اهلي واخواني مسافرين رايحين لعلاج امي واليوم ماتكلمت معاه وماراح انام عنده وحاسبه حسابي اني مارح اقعد بس انتظر اهلي يرجعون وبروح لهم
ادعو لامي بالشفاء