صلي عالنبي82 :

الله يفرج همك ويشفيكي عليكي بقيام الليل مع قراءة سورة ياسين ٧ مرات بنية الشفاء والدعاء بعدها

الله يفرج همك ويشفيكي عليكي بقيام الليل مع قراءة سورة ياسين ٧ مرات بنية الشفاء والدعاء بعدها

رقيه 2000 :

واضح انك صغيره لانك تقولين تركتي الدراسه اسمعي ياحبيبتي انا انسانه اكبر منك سنا بكثير وربي ابتلاني بمرض مزمن من 6 سنوات وغير حياتي تغيرت حياتي في الظاهر فقط تخلى عني اقرب الاقربين وتطلقت بعد عشرة عمر تخلوا عني اخواتي اللي كنت احبهم اكثر من نفسي واذا شفتهم سعداء كانت هذه سعادتي امي يوم رجعت عندها بعد الطلاق فرحت قالت جاتني شغاله وتسب وتلعن فيني لاني اقول لها انا مقدر اشتغل اي تعب بسيط يخليني مريضه وخلاص صارت تتمنى تهرسني تحت رجولها اخواني اترجاهم يودوني المستشفى اقول لاخوي وديني المستشفى يقول ماني فاضي عندي مباراه مباراه مع زملاؤه مو تلفزيون اخواتي يروحون يتمشون يروحون سوق اي مكان ولا ينادوني احيانا على المرض امرض بسخونه زكام جلست مره تعبانه في غرفتي يمكن اسبوع او اكثر محد سأل عني ابدا يعني لو مت محد يدري حتى امي ماسألت طبعا يمكن ماتصدقون لكن ذي الحقيقه والله العظيم حتى الاكل منسدحه على سريري ومحد جاب لي اكل الاسبوع كله اقسم بالله غير مره خرجت من غرفتي وقلت لاختي انا جوعانه ابغى اي شي اكله قالت شوفي الثلاجه فيها فطاير سخنتها واكلتها وبس كان عندي عسل شريته من مندوب عايشه عليه مع مويه وشوية تمر ايش احكي لك وايش اخلي والى الان جالسه دايم في غرفتي لا اطلع ولا اخرج الا بالحسره يعني كل كم شهر احيانا كل 8 شهور واحيانا كل اربع شهور من غير لا صديقات ولا جيران ولا احد حتى زيارات الناس نادره كل كم شهر تجي وحده تسلم على امي المقصود الجو كئيب الى اقصى درجه هذا كله تغير في الظاهر زي ماقلت فوق بس الحقيقه قال تعالى ( أَمْ حَسِبْتُمْ أَن تَدْخُلُوا الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم ۖ مَّسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ ) وقال تعالى (أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ(2)وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ(3)﴾ ) هذي الحقيقه كل انسان على وجه الارض لازم يفتن ويتعرض للبلاء انت الان وغيرك راح يجيه الدور وتلك الايام نداولها بين الناس لاتنظرين لمن حولك ولمن تخلى عنك ولا لاي مخلوق انظري الى ربك اللي خلقك الذي اراد بنا خيرا وابتلاني وابتلاك رحمةمن رب العالمين يطهرنا من الذنوب اكتسبت من وحدتي التفكر والتأمل صرت اكثر قربا من الله وصرت مرتاحه نفسيا ومطمئنه اكثر من اي وقت راح في حياتي وحسيت اني كنت في غفله كبيره واني فوت على نفسي اشياء كثيره لادراسه ولا عمل ولا مال ولا اهل ولاشي اهم من انك تجلسين لوحدك وتذكرين الله يعني هذا السبب الحقيقي اللي ربي خلقنا عشانه مثال بسيط طلاب في فصل وقدمت لهم ورقة الاختبار والوقت كان ساعتين وقدمت مع اوراق الامتحان العاب وهدايا وشوكولاته ومشروبات وقطع حلى وفيه ناس تركوا ورقة الاجابه وجالسين ينظرون للهدايا وياكلون وناس رغم التعب كانو يكتبون الاجابه وتاركين كل شي ممتع بجانبهم في النهايه انتهى الوقت وسحبت الاوراق من سينجح ومن سيفشل هذه الحياه بالضبط استمدي قوتك من القوي استعيني بالمعين استغيثي بالمغيث استنجدي بالقادر راح يجي يوم وتكونين فيه على افضل حال و افضل حالا من قبل المرض لانه راح يكون عافيه مع قوه مع امل وتفاؤل مع روح جديده تعلقت بخالقها ورضيت بكل شي منه مع روح قال لها تعالى تمرض حتى تعود اليه فهو يحبها يمكن اطلت الحديث ولكني لاني مثلك عانيت كثير ومازلت ولكن اقسم بالله العظيم مو مجرد كلام اوعشان ارفع معنوياتك انني سعيده من الداخل ومطمئنه وعندي امل في الشفاء ومرتاحه نفسيا يعني مثلا يطلعون يتمشون من غيري اخذ السبحه واستغفر واسبح ولاحول ولاقوة الا بالله والصلاة على النبي 100 مره او قد ماتقدرين واقول الحمدلله استفدت من وقتي اكثر منهم قرأت قصة بعض الفنانات مع المرض رغم انهم غير قدوه ولكن نستفيد من تجارب الغير واذكرهم لانهم معروفين بالنسبه لك يعني مو اشخاص مجهولين شريهان عانت اكثر من عشر سنين من مرض السرطان وربي شفاها قالت دخلت العمليه ونسبة نجاحها 1% وتقريبا كل اللي سووها ماتوا قالت استحميت ودخلت العمليه لاني راح اقابل ربي سماح انور عشر سنين سوت اكثر من ثلاثين عمليه وكانوا راح يقطعون رجلها وربي شفاها ورجعت زي اول وكثير من القصص لمسلمين وغير مسلمين ليش هم عندهم امل وقوة اراده حنا كمان عندنا امل واراده وحسن ظن بالله انه راح يبدل احوالنا الى خير حال وراح يشفي كل اسقامنا وكل اوجاعنا وهمومنا في يوم ما الان انت شخص جديد عيشي واستمتعي بكل شي اقرأي قصص رومانسيه واجتماعيه موجوده بالنت للتسليه استرخي وانت تفكرين في شي حلو افتحي الشباك في الليل وشوفي السماء وتأملي قد ايش حجمنا بالنسبه للسماء حاولي اذا حالتك تسمح تحفظي قران وعلى راحتك لو خمس ايات كل اسبوع سوي شي تحبينه قهوه نسكافيه واتفرجي افلام كرتون فيه اشياء تسلي شوفيني قد ايش عمري والله استمتع فيها وفيه مسلسلات هادفه في النهايه الدعاء الرقيه الاذكار واستمتعي بوقتك واهتمي بنفسك فقط واسأل الله العظيم رب العرش العظيم ان يشفيك وتكتبين لنا قصة الشفاء والسعاده والحياه الجميله التي تعيشنها

واضح انك صغيره لانك تقولين تركتي الدراسه اسمعي ياحبيبتي انا انسانه اكبر منك سنا بكثير وربي...