ضايجة والله :(

السلام عليكم ورحمة الله وبركاته

حاسة إني متضايقة :( فقلت يالله أشكيلكم من بعد الله..

تعرفون الإنسان لما يكون حاط في باله فكرة من هوه صغير.. تظل الفكرة في باله حتى ما يكبر.. تخيلوا سنين وكنت على ( وهم ) :icon33: أكيد وهم.. أو تقدروا تقولوا حب من طرف واحد..

الأهل من وانا صغيرة كانوا يقولولي أنا لولد خالتي.. وحطيت الفكرة في بالي.. خلاص.. ما شلتها أبدا.. مع انه هوه ما اعتقد إنه حط في باله هالفكرة، كنت دايماً أفكر فيه والله وحتى ما كبرت.. ودايما يقعدوا يعايروني به.. هو كان أحياناً يسأل عني، ومرات يبتسم لما يشوفني،، -- من زمان.. بس ما اعتقد هذا دلالة على شي.. أحين نادرا ما اشوفه.. بس والله لما اشوفه يتلون وجهي احمر اخضر اصفر برتقالي على كيف كيفكم.. بس في حاجة عرفتها قريب وتأكدت انه مستحيل أكون له.. مش لازم أطريها ..تخيلوا طول هالسنين كنت عايشة على وهم .. هوه صح هالشي غصباً عنه .. خلاص أنا نسيت السالفة أو تقدروا تقولوا أحاول أتناساها عن طريق الدراسة.. أحس خلاص تحطمت بس أتظاهر بالعكس قدام الناس، مستحيل الواحد ينسى حبه في يوم وليلة..
السنة اللي فاتت صديقتي اتصلتلي وقالت حلمت إني ملكت .. قلتها مين العريس وقالتلي هوه نفسه!!!!!!!!!!!!!!!!!!!!! بس ما عرفت تفسير الحلم شكله العكس

وفي كانت حاجة حلوة حتصير قبل فترة وتشيلني من الوهم اللي أنا فيه، بس الظاهر الله ما كتب نصيب ، كنت أحس اني موافقة وخصوصا بعد ما عرفت عن ابن خالتي لكن ماني دارية وش حصل :09: الأهل سكتوا عن الموضوع وأنا مش قادرة أعرف أي حاجة أو أي معلومات جديدة لأانوه عيب أسأل

أحس على الأقل لو انكتب لي نصيب، كان نسيت السالفة الللأولى وما عدت أفكر فيها..
الله يعوضني ^^
صحيح اني لساتي صغيرة، بس لما اشوف اللي بعمري من العايلة انخطبوا وعرسوا احس بالنقص..:(
حاجة ما أقدر أتخيلها، إني في يوم من الأيام أحضر عرس اللي حبيته ^^.. :icon33:
لما أدرس أنسى هالمواضيع وما أقعد أفكر فيها بس لما أكون فاضية أقعد أفكر..
متضايقة أعرف إني سخيفة سامحوني :( :(