ضايعه

السلام عليكم ورحمة الله وبركاته
يا أخوات انا كل ما اتوب ارجع اتوب واندم وارجع ما اسوي شيء بس أاخر الصلاة ع وقتها مثلا العصر اصلي مع المغرب خاصة صلاة العصر
وفي حديث (من ترك صلاة العصر حبط عمله ) اقول مع نفسي قال من ترك ماقال من أأخر. وضايعه بمعنى الكلمة اكيد كل هذا لأني بعيدة عن الله أهم شيء في الدين هو الصلاة من التزم بالصلاة صلحت كل اعماله
والله اني اعرف كل هذا ومتعلمه وأبوي رجل دين يروح المسجد قبل الأذان ملازم للقرآن يأمر بالمعروف وينهى عن المنكر وامي نفس الشيء ليلها قيام ودعاء وهم متأملين فينا الخير
لكن انا ما ادري ليش انا كذا قبل الزواج كنت تمام بس لي خمس سنوات من يوم تزوجت نفس حالي ودايم مشاكل مع زوجي . ممكن تقولون زوجي مؤثر عليا لا هو ملتزم نفس ابوي ملازم للمسجد وللقرآن متدين من الآخر
كل يوم اقول اني بتغير لكن( لا )اشوف اني ارجع ل ورى مرة مضايقني حالي وخوفي يقبض روحي وانا على هذا الحال لا حول ولا قوة الا بالله دعواتكم لي ب الصلاح وانتظر نصايحكم

وانا من الناس للأسف ال تصلي الصلاة بس عشان تتخلص منه وانقرها نقر ودايم اسجد سجود السهو لأن ما اذكر كم ركعت وحتى ويش قرأت ماادري. ودي اصلي بحب ودي اشتاق ل سماع الأذان بين صلاة وصلاة ودي اصلي السنن ودي اصلي قيام الضحى كل الصلوات الفروض والسنن لأن انا متأكدة كل مشاكل حياتي بسبب صلاتي لكن والله ماني قادرة اتغير حاولت وحاولت. كل وقتي يروح بالجوال ب شيء تافه مامنه فائدة. ودي استغل كل ثانيه بما يرضي الله. وللعلم للأسف الشديد اني حافظة لكتاب الله لكن حفظ بس بدون عمل ومو بتعبي او شيء الحفظ هذا بتوفيق الله وثم واصرار ابوي والله اذكر وهو يوصلني الحلقات ويعلمني الخير وينصحني ويعلمني الصح من الغلط والناس محسنين الظن فيني وما يعرفون انا ايش اصلا من الآخر انا كل ال اسوي اعرف انه غلط وخراب لدنيتي وآخرتي مع ذلك مستمرررة 💔💔💔💔💔💔💔💔