ضايعه بين خواتي

بنات تعبانه نفسيتي اقسم بالله
بكيت بكي قبل شوي
عندي أختين وحده ٢٦ والثانيه ٢٣
وانا الكبيره اكبر منهم بسنوات كثيره
ماعندي غيرهم وعيال اخواني الباقين
خواتي ذولا اقسم بالله كانهم بنزين ونار
كانهم طباين
كل وحده ماتبي الثانيه وتحسد الثانيه
وتغار من الثانيه ويعاندون بعض مثل الاطفال
كل شي كل شي صلحناه معهم مافي فايده
حتى الطلعات الكوفيات متخيلين مايجتمعون
مع بعض كأنو يطلعون مع بعض وينفسون يعني نطلع طلعه كلنا فجاه يتهاوشون هذي ماتبي المكان ذا وهذي تبي ذا وهذي تبي تتأخر وهذي تبي ترجع عرفتو حركات الأطفال ؟؟
هم كذا آخر شي اختي ام ٢٦ قالت مكان هي فيه
ماراح اطلع خلاص اطلعي معي كوفي مره
ومعها كوفي مره وانا بينهم مادري وش اسوي
مره اطلع مع هذي وتزعل الثانيه
ومره مع هذي أنا جالسه اضغط ع نفسي وصحتي
وهم ماغير هواش
بتقولون حاولي حاولت بكل الطرق اقربهم
اسلك كل شي سويته عشان يكونون مع بعض
مافي اي تفاهم بينهم كل وحده ماتبي الثانيه
تذابحنا وتهاوشونا معهم بدون فايده
كاننا نتكلم بقربه مشقوقه
شفتو نظام الطباين
ىثلهم حتى بموضوع السفر ينكدون وللطلعات ينكدون إذا صارو مع بعض بس لما اطلع مع كل وحده لحال من احسن شي الطلعه لكن أنا مو مرتاحه بالوضع ذا كاني أتعامل مع طباين حنى الطباين ماصارو كذا امي طبعا
تكلمت وبكت لكن ساحبين هم عليهم وكل وحده
تقول مب مني من بنتك بنتك ماتبيني
بنتك هي اللي تسوي الحركات بنتك منها مب مني
يعني كل وحده تقول لاني لاتكلميني كلمي بنتك
هي السبب وكل وحده تحس صح مدري لين متى كذا لاني جد تعبت