ضايعه خذو بيدي

بنات انا من زمان وانا متذبذبه زمان كنت التزم واحافظ على امور ديني وانصح اولادي وزوجي وكنت امسح القنوات وامنعهم من الاغاني .واجلس فتره وانتكس وهكذا فتره ماكنت متزوجه والحين تطلقت سلمت الامر لله ورجعت له واعتمرت وانا يا جملعه جواتي خير وصلاح بس المعاصي وابتهاون ما تسيبني في حالي .تطلقت وجلست فتره مع الله ورجعت انتكست وبسبب الوحده تعرفت على واحد وحبيته من قلبي واتفقنا على الزواج بس رجع وقلي ما يمديني ظروفي ما تسمح وغرقت في المعاصي واستماع الاغاني والحب الضايع اللي اتمناه .والان رجعت لربي ولاولادي الصغار اللي عندي رجعت افكر بشكل جدي في اخرتي رغم اني مانسيتها لحظه زي الناقوس تدق في راسي
لانه ربي يدري ايش هي نيتي وايش مكنون قلبي
ياجماعه نفسي يابنات التزم واتطوع زي الملتزمات اللي اشوفهم واللي مهما طابت بهم السنين اشوفهم زي ما هم ثابتين على دينهم بنات ساعدوني انا حزينه على نفسي ماادري ايش مصيري تعبت من التقصير .والله يا بنات اني احب الله ورسوله ولي سرائر مع ربي والحمدلله انه ربي عارف مين انا ويش بصدري انا يابنات جت علي فتره في حياتي التزمت واشتريت كتب الصحاح وحفظت بعض الاحاديث واشتريت كتب التفاسير لعدة مشايخ وحفظت اجزاء من القران وسوره البقره لا كن انتكست ونسيت ما حفظته والكتب ما فتحتها انا ماادري ايش اسوي بحياتي ابغى ربي يكون راضي عني ابغى اكون ثابته وصدري وقلبي نظيفين .تعبت من نفسي سويتلي قروب احفد فيه القران للبنات وجلست فيه يمكن اربع شهور اسمع للبنات ولما جت اختبارات الجامعه سيبته حتى الان من الترم الثاني لغاية الان ما شيكت عليه مع ان البنات لسا متواجدي ..بس اقضي وقتي في الفبس اللي دمرني ..وبعض احيان اكتب محاضرات نصيه لمحاضرات مسموعه لبعض المشايخ لمنتدى خيري لتعليم الاسلام وجلست معلهم فتره وسيبتهم
ماادرى ايشبي تعبت من نفسي الهواويه والتكاسل والتخاذل والتهاون هيا امس كنت نايمه وفاتني العصر والمغرب والعشا بالله هاذي حياه
يابنات انا وحيده ماعندي احد ياخذ بيدي وينصحني وجهوني ابغى اعيش وانا مرتاحه وحاسه انه ربي راضي عني .جسمي معدوم .شعري معدوم وقتي ضايع بزورتي عندي ثلاث بنات صغار حاضناهم عايشين بس ياكلو بس مهملتهم .قراني مهجور .صلاتي يادوب اصليها بالرغم اني ارتاح فيها .والصوم الحمدلله صمت العشر من ذي الحجه لاكن برضه احسني مقصره ابغى احفظ القران كامل ابغى لساني يتنزه عن الاغاني ابغى قلبي يطهر لاني دائما افكر برجال ودي اتزوج والله اني تايهه تايهه ياجماعه ....وضعي الان عايشه مع امي وبناتي الثلاث وملتحقه بالجامعه .....ارشدوني سولولي برنامج ديني التزم فيه .ساعدوني ارجوكم