ضايقة بك الدنيا تبين تحملين؟ تعالي أقولك قصتي

السلام عليكم ورحمة الله وبركاته



كيف حالكم بنات ؟


أنا ما أكتب كثير هنا في المنتدى مع أني أدخل باستمرار ومتابعة كثير منكم

وأدعي لكم

الله لا يخيب مسعاكم ولا يردكم خايبين




كثير بنات يكتبون مشاكلهم مع أقاربهم وحمواتهم عشان موضوع الأطفال

وكثير ضايقة بهم الدنيا



لكن أقولكم سالفتي عشان تدرون إن فيه شي أحسن من شي

ومصايب عن مصايب



والله ما فكرت أكتب إلا لأني كارهة نفسي والله يا بنات إني حاسة بختنق وعبرتي على خدي لي سنين

السالفة كانت الأطفال في البداية لكن رضينا بقضاء الله ووكلنا أمرنا لله سنييييييين مرت لكن الحمد لله والشكر مضايقات من بعض الناس بس ما بدينا شي

لكن المشكلة اللي كسرت ظهري وخلتني ما أفكر بالأطفال كثير وصار موضوع الأنجاب شي سهل إن صار صار وإن ما صار عادي

مرض زوجي

والله يابنات إني حاسة بحرقة ولا أدري وين الطريق


من سنتين أمراض ورا بعض وليتها بسيطة

أول مرض مزمن هاد حيله وأدويته أعراضها الجانبية سيئة مرة لكن لازم ياخذها

وبعدها بفتره مرض ثاني نفس الشي ما له علاج نهائي لازم يتعايش معه !

وكل مرض يجر بلاوي وراه وأمراض جانبية لها علاقة ومالها علاقة

والله إني حيرانه كل شي يجر شي


صاروا الأطفال مب هدف بالنسبة لي وأقول لو الله يكتب له العافية ما عاد أبي شي


والله إني أكتب لكم ودمعتي على خدي

وكل ما أشوفه يعاني تضيق بي الوسيعة





إذا أنتم معافيين في أجسامكم وأزواجكم بعد لا تخلون موضوع الإنجاب يأثر على حياتكم لأن فيه أشياء أسواء بكيثيييييييييييييييييييييييير من العقم






وأدعوا لزوجي تكفوووووووووووووون إن الله يفرج كربه ويشفيه وييسر له العافية ويرفع عنه البلاء





أختكم