ضايقن صدري..

السلام عليكم ...

خواتي في الله
يعلم الله اني احبكم فيه .. وألمس فيكم روح الاخوة ..

مشكلتي بدأت من ثالث شهر زواج.. ليست مشكلة اخلاق زوجي (الحمد لله اخلاقه جيده )

ولكن المشكلة تكمن << قويه الكلمة

في ان زوجي على قده مررررررررره وانا الحمد لله موظفة ..

راح اوصف لكم حياتي

اول شي انا لما تزوجت ما رحت مثل البنات شهر عسل بسب ظروف حصلت له (مرض والده )

وسكت ولا قلت شي قلت لين تزين الظروف حتى ما قد فتحت معه الموضوع ابد ولا رحت

ثاني شي :
راتبه كله اقساط ويروح ولا يبقى شي معه وانا اللي اصرف على نفسي كل شي
بس الحمد لله هو المتكفل باغراض البيت

ثالث شي:
قال ابشتري سيارة (لان سيارتنا خربت ) وساعدته في القسط دفعت له مبلغ واساعده كل شهر باربع مئة ريال

هو يقول لي انا والله مقدر لك كل اللي تسوينه لي واوعدك اني راح ارد جمايلك لي وصبرك علي

المهم اليوم قال ابي منك سلف مبلغ وانا قلت له حاضر وعطيته (والله الفلوس ماتهمني ) وراتبي مو كبير على قدي.

المشكلة .....بديت احس اني بحبحتها معاه واحس ان بيجي يوم يتماااااادى معي <<< تحسين هااااااه؟!!

وانا والله مو خبلة اعطيه وبس... والله اسوي كذا لوجه الله

(واشوف يه مثل ما اشوف في اخواني اذا تزوجوا.. صار كل شي عليهم ، واول سنة تصير صعبة من حيث المادية , بس ماشاء الله ما اشوفهم كذا مع زوجاتهم ..الله يهنيهم .. ولا عمري شفت واحد من اهلي كذا)

انا والله ما احب اقارن نفسي باي وحده لان خلاص هذا نصيبي وكل وحده زوجها يختلف عن الثانية بس من جد بديت اخااااااااااااااااف

المهم اللي ابيه ان كل وحده تقرأ موضوعي تنصحني كاني اخت لها بس رجاء من غير تجريح << الاخت ام دميعه

وانا عارفة ان معظمكم بيقول لي لا تعطينه بس انا استحي ما تعودت ارد احد..وانا والله اشوف انه محتااااااج بس خايفة من المستقبل

وما علمت انا احد من اهلي لان اخواتي ماشاء الله كل وحده زوجها احسن من الثانية ومابي اصير اقل منهم ولا ابيه يطيح من عيون اهلي.. لو دروا اخواني ليصربعوها على دماغه

والحمد لله على كل حاااااال