ضايقه بفضفض

متضايقه من زوجي يطلع سفر او طلعه بر ثلاث ايام سبوع مايدق ولا يتصل ولا يقول كيف اطفالي له فتره كذا مادري وش غيره اذا سافر اروح ل اهلي لان بيتي شوي بعيد واذا صار شي لا سمح الله ماعندي احد يجيني صح عندي اخوان بس كلهم برا المنطقه مرات يجون زياره وصعبه اقوله ودني او جيبني ابوي مايقصر بس شايب كبير ومعه ضغط وسكر ومايشوف زين طريقه مايشوفه ومايسوق الا في البر وصعبه اطلبه يجي يوديني مشاويري زوجي يحطني عند اهلي ومعتمد علي اخوي الصغير ب المتوسط مرات ياخذ سياره ابوي ويودينا ومرات تمسكه الشرطه مامعه رخصه اذا سافر انا ما اتصل عليه ولا ارسله عشان ما ازعجه واساسا جواله يكون مقفل نصحتني وحده ارسل صور عيالي جربت و ارسلت فديو ل عياله شافهم ولا رد قلت ثاني يوم برسل شعر عتاب عن قل اتصاله شافه ولا رد طنش
تخيلو لدرجه يشري لعياله ملابس عيد وانا يتركني والله اروح وتسلف من اخوه عيدين سوا نفس كذا واليوم خالي وخاله بنفس الوقت طالع من المستشفى مسوي عمليه قلت ودني بكره بسلم عليه حق وواجب قال مشغول بطلع للبر مع ان له سبوع ب البر والبارح جاي طلبته يوديني قال ليه ماخليتي اخوك يجيك قلت اخوي عنده امي موديها وودا اختي الثانيه لموعدها قال انا مشغول وبطلع للبر وبجلس شهر قلت ماتشوف شر وخالي بدق وبعتذر منه وعلمه قال اطقع ماشوف انتي وخالك
وطلع من البيت ولما جا بيطلع قال تبون شي؟؟؟؟؟ كيف يسئل نبي شي واذا طلبناه زعل؟؟؟؟ يبنات مقهوره انا مو راعيه مشاوير وطلعات ولا زيارات فقط ب المناسبات ولا اطلع مع سواقين ولا ازعجه ولا ارسل ودق واذا طلبته زعل وعصب مايبيني اطلب اي شي والحل؟؟؟؟؟؟؟. مره قلت بعلمه اني مبسوطه وماهمني عدم اهتمامه في وهو طبعا كان مسافر صورة قهوتي مع خواتي وشافها تدرون وش سوا دق علي وزعل من شي تافه مره عشان مارديت بسرعه وسوا مشكله وضيق صدري وحرمت اصور ارسل لخواتي وهو مابيه يعرف تفاصيل يومي اعامله مثل ما يعاملني انا ماعندي وظيفه ولا دخل مادي ويسوي في كذا كيف لو موظفه والحين بيطلع وياخذ سبوع ودي اجلس ببيتي عنااااد فيه بس اضيق وامي ماتتركني لانها تعرف نفسيتي ودي اروح اوسع صدري مع خواتي قبل المدرسه ودي اجلس ب البيت اضيق عليه