ضايقه فيني الدنيا بعد مارسبت للمره الثانيه 😭💔

مرحبا بنات ..
مثل ماكتبت بالموضوع 😔
انا كنت مقدمه من 2018 على الرخصه وماكنت اعرف شي بالقياده وتدربت مع مدربتين على حسابي الخاص وعرفت السواقه وحجزت للتقييم بالمدرسه وقيموني 12 ساعه وبعدها حجزت الاختبار النهائي العام ب2019 وللاسف مااجتزت بس اعترف اني بوقتها ماكنت متمكنه من القياده مثل الحين لاني كنت اسوق مع المدربه فقط وبسيارتها بس الحين شريت سياره واقضي فيها مشاويري"يعني بدون رخصه" والحمدلله عديت مرحلة الخوف والرهبه من الشارع بكثييير واسوق الحين بكل وقت "ماشاءالله تبارك الله" وكنت متوقعه النجاح بالاختبار مليون بالميه بس لما اختبرت للمره الثانيه الخميس الماضي انصدمت اني مااجتزت
بعد !!!!!😭😭😭😭
والفشله الاكبر ان الدنيا كلها عرفت ان عندي اختبار ومررره مستبعدين اني ارسب وبهذا العمر!!!
"عمري 35"
صاروا ينكتون علي وان البزران اخذوها وانتي ام العيال ماانجحتي ووووالخ
ومن يومها وانا اتحسب على الفا*** وعلى تقييمها لي لاني فعلا محتاجة الرخصه وسىواقتي كل اللي ركب معي مدحها من مدربات وغيرهم وانا مرره محتاجه الرخصه والا ماهمني الموضوع والفا*** ظلمتني وكاتبه بالتقييم اني صدمت برصيف هذي الصدمه الثانيه!!!
لان والله ماحسيت اني لا صدمت رصيف ولا بغيره !!!
تهاوشت معها لما علمتني بالنتيجه تقول كنتي تسوقين بتوتر!!!
قلت شي طبيعي اتوتر اذا تشوفيني متوتره لان انا باختبار واحد يراقبني وصرت اصارخ بهستيريا واقول لها مو معقول ارسب للمره الثانيه ورحت اخذ النتيجه من مشرفتها ماابي اشوفها واكمل كلام معها الله لايوفقها ولا يحللها على ظلمها لي
ولايوفق اشكالها
حسبي الله ونعم الوكيل بكل ظالم
معقوله يابنات يكونوا يتعمدون يرسبون لمصلحتهم الخاصه؟؟
كثير سمعت هذا الكلام!!!
انصحوني بنات كيف اهون المشكله علي؟
الحين انا خايفه اختبر للمره الثالثه وارسب بسبب التوتر اللي حطته في بالي الله لايوفقها اليوم وبكرا عندي تدريب ساعتين اضافيه لكل يوم💔
وبعدها احجز الاختبار النهائي للمره الثالثه 😔
ومرره متضايقه وخايفه من الرسوب للمره الثالثه
علموني كيف اخذ الرخصه على خير وسلامه واعصابي بخير😭
واخيرا اسفه على الاطاله 💔