ضايقه فيني الدنيا ... يارب رحتك

السلام عليكم


راح ابدا على طول
بنات هونوا علي دوروا لي حل تعبت وتعبت اللي حولي مليت من التفكير والوسوسه

اتمنى اطنش واعيش طبيعيه مثل الناس يارب لك الحمد
اخاف من المرض شغلتي بس ادور في نفسي شئ اول شئ بدا معي الم في كتفي الايسر وخفقان يرووووع وخدر في يديني حستني بموت استمر معي لمده سنه تقريبا تعبت تعبت تعبت يارب لك الحمد ما خليت دكتور ما رحت له ولما اروح من الخوف ان يصير فيني شئ تجيني حالة رعب
وكلهم ماشاء الله يقولون ما فيك شئ مجرد ضغوط

رحت عياده نفسيه وصرفت لي سبرالكس والحمد لله تحسنت حالتي كثير
وتركت العلاج وحملت بعدها
انا الان في الشهر السابع الله يهون ويسهل يارب
طلع لي من سنه حبه في ابطي وانواع الخوف ورجعت الحاله من دكتور الى دكتور واشعات للصدر والابط واخر شئ قالوا عادي انسيها
بعدها صرت اتلمس جسمي اخاف تطلع لي ثانيه

تعبت من اسناني وطلعت لي تحت الدقن ورجع الهممممم والخوف والوسواس وشغلتي بس اللمس المنطقه واتخيل انه بيطلع لي غيرها ومجرد ما يحصل لي شئ ثاني انساها ما احس بها ابد والا تهمني انشغل بغيرها

مع الحمل صدري يالمني خفيف واخاف جدا لايكون فيه شئ من يومين المس والقى مثل العقده صغيره بس لما اتحسسها احسها بمكان عرق لونه ازرق ولما اتحسس احسه يمتد من عروق الصدر اللي تطلع مع الحمل
بس برضوا ابليس ما خلاني وميته رعب شغلتي بس اتلمس صدري
مرات اقتنع انها مجرد عرق ازرق ومرات لا تاخذني الافكار

خايفه اروح للمستشفى حتى لو رحت مو مقتنعه بكلامهم

الله يفرج لي من كل ضيقه وكل مسلم ومسلمه
ادعولي بنات اتمنى اعيش طبيعيه مثل اي احد وما تهمني هالافكار
واتمنى اقتنع ان كل شئ قضاء وقدر واللي مكتوب بيصير
بس عجزت استوعب والله اكتب لكم وانا ابكي
مع العلم ان عمري 29 سنه
الحمد للله حياتي طبيعيه ما تخلي من المشاكل زوجي مشغول اغلب الوقت والفراغ طويل
ما عندي صديقات كرهت الناس احس كلهم مصالح وحسد
عندي امي هي حياتي كلها مريضه بالقلب اخاف عليها كثير احكي لها احيانا بس تحاول تهديني وتقنعني
بسبرضوا اقتنع شوي وارجع
اتمنى القى الحل
ادعي دايم ربي انه ينزل علي الطمانينه والسكينه
احافظ على صلاتي والسنن اقرا الاذكار هالايام مداومه عليها واقرا الرقيه الشرعيه احيانا
احس اللي قاعد يصير لي من ذنوبي يارب تغفرلي
وترحم ضعفي وهواني على الناس

اتمنى ردود تفرحني والله اكتب لكم ودموعي على خدي